બોલિવૂડ ડિરેક્ટરે મને મજબૂર કરી… ભારતીય ક્રિકેટરની બહેને કર્યો ચોંકાવનારો ખુલાસો
બોલિવૂડમાં કાસ્ટિંગ કાઉચનો મુદ્દો છેલ્લા કેટલાક સમયથી ફરી ચર્ચામાં છે. અનેક અભિનેત્રીઓએ ફિલ્મ ઇન્ડસ્ટ્રીમાં તેમને થયેલા દુખદ અનુભવો જાહેર કર્યા છે. હવે આ યાદીમાં એક ભારતીય સ્ટાર ક્રિકેટરની બહેનનો પણ સમાવેશ થયો છે, જેણે ચોંકાવનારો ખુલાસો કર્યો છે.
ભારતીય ક્રિકેટર દીપક ચહરની બહેન માલતી ચહરે તાજેતરમાં બિગ બોસ 19માં એન્ટ્રી લીધી હતી. શરૂઆતમાં દર્શકોને તેનું પ્રદર્શન પસંદ આવ્યું હતું, પરંતુ ઘરમાં દરમિયાન તે પોતાના મિત્રો સાથે વારંવાર વિવાદ કરતી જોવા મળી હતી. માલતી બિગ બોસ 19ના ફિનાલે સુધી પહોંચી હતી, જ્યાં તેણે સલમાન ખાન સામે શહેનાઝ ગિલના ભાઈ વિશે ફરિયાદ પણ કરી હતી.
શરૂઆતમાં સોશિયલ મીડિયા પર લોકો માલતી ચહરને સમર્થન આપતા નજરે પડ્યા હતા, પરંતુ ફિનાલેના થોડા કલાકો પહેલાં જ તેને બિગ બોસનું ઘર છોડવું પડ્યું હતું. શો પરથી બહાર આવ્યા બાદ માલતી સતત ચર્ચામાં છે અને હવે તે પોતાની વ્યક્તિગત જિંદગી તથા ફિલ્મ ઇન્ડસ્ટ્રી સાથે જોડાયેલા કડવા અનુભવો શેર કરી રહી છે.
તાજેતરમાં આપેલા એક ઇન્ટરવ્યૂમાં માલતી ચહરે જણાવ્યું હતું કે તે ફિલ્મ ઇન્ડસ્ટ્રીમાં કાસ્ટિંગ કાઉચનો ભોગ બની ચૂકી છે. તેણે ખુલાસો કર્યો કે એક વરિષ્ઠ ફિલ્મ દિગ્દર્શકે તેની સાથે અયોગ્ય વર્તન કર્યું હતું. આશ્ચર્યજનક રીતે, તે દિગ્દર્શક તેની પિતાની ઉંમરનો હતો.
માલતીના કહેવા પ્રમાણે, જ્યારે તે ઇન્ડસ્ટ્રીમાં નવી હતી અને પોતાની કારકિર્દીની શરૂઆત કરી રહી હતી, ત્યારે આ ઘટનાઓ બની હતી. તેણે જણાવ્યું, “આ ઇન્ડસ્ટ્રીમાં કામ કરતી વખતે મેં જીવનનો સૌથી કઠિન સમય જોયો છે. અહીં મેં એક મહત્વની વાત શીખી કે અહીં કોઈ પણ કોઈનું નથી.”
માલતી ચહરે વધુમાં જણાવ્યું કે તેણે આ ઘટનાઓ વિશે પોતાના પિતાને પણ જાણ કરી હતી. તેના કહેવા પ્રમાણે, કેટલાક લોકોએ તકનો લાભ લઈને વારંવાર મર્યાદા ઓળંગવાનો પ્રયાસ કર્યો હતો, પરંતુ તેણે ક્યારેય કોઈને પોતાની હદ પાર કરવા દીધી નથી.
માલતીએ કહ્યું, “હું કામ માટે એક જાણીતા ફિલ્મ દિગ્દર્શકની ઓફિસમાં ગઈ હતી. એક દિવસ તેણે મને બળજબરીથી ચુંબન કરવાનો પ્રયાસ કર્યો. હું સંપૂર્ણ રીતે ચોંકી ગઈ હતી. મને સમજાયું નહીં કે શું થઈ રહ્યું છે. મેં તરત જ તેને અટકાવ્યો અને ત્યારબાદ ફરી ક્યારેય તેની સાથે સંપર્ક રાખ્યો નહીં. તે વ્યક્તિ ઉંમરે ઘણો મોટો હતો.” ઇન્ટરવ્યૂના અંતમાં માલતી ચહરે સ્પષ્ટ શબ્દોમાં કહ્યું, “અહીં કોઈ સમજૂતી નથી, તો કામ પણ નથી.”
