આ લોકો જુઠ્ઠા છે…પૂર્વ ભારતીય ક્રિકેટરે ટીમ ઈન્ડિયાના ખેલાડીઓ પર જ ઉઠાવ્યા સવાલ
મેલબોર્ન ટેસ્ટ મેચના અંતિમ દિવસે ટીમ ઈન્ડિયા જીત મેળવવામાં નિષ્ફળ રહી અને આખી ટીમ માત્ર 155 રનમાં જ સમેટાઈ ગઈ. જો કે આ દરમિયાન યશસ્વી જયસ્વાલ અને આકાશ દીપની વિકેટને લઈને વિવાદ થયો હતો અને થર્ડ અમ્પાયર પર સવાલો ઉભા થયા હતા. જે અંગે અનેક ભારતીય દિગ્ગજ ખેલાડીઓએ વિરોધ દર્શાવ્યો હતો. પરંતુ એક પૂર્વ ભારતીય ક્રિકેટરે ટીમ ઈન્ડિયાના ખેલાડીને જ જુઠ્ઠા કહ્યા.
આ પછી સુરિન્દર ખન્નાએ આકાશ દીપની વિકેટ વિશે વાત કરી અને બધાને જુઠ્ઠા કહ્યા અને તેમને સ્વચ્છ ક્રિકેટ રમવાની સલાહ આપી. સુરિન્દર ખન્નાએ કહ્યું, “જ્યારે આકાશ દીપ કેચ આઉટ થયો ત્યારે પણ તેમણે ફરિયાદ પણ કરી. આ લોકો જુઠ્ઠા છે. પહેલા તમારે સ્વચ્છ ક્રિકેટ રમવું જોઈએ તો જ તમે જીતશો. જ્યારે તમારા હાથમાં બેટ હોય ત્યારે તમને કેવી રીતે ખબર ન પડે કે બોલ તમને વાગ્યો છે કે નહીં? અમે ખરાબ ક્રિકેટ રમ્યા અને હારી ગયા.
જ્યાં સુધી બંને નિર્ણયોને લગતા વિવાદની વાત છે, સત્ય એ છે કે જયસ્વાલ અને આકાશદીપ આઉટ હતા. બંને અંગે થર્ડ અમ્પાયરનો નિર્ણય સાચો હતો. બોલ જયસ્વાલના ગ્લોવ સાથે અથડાયો હતો અને તેની દિશા બદલી હતી. જો કે સ્નેકો પર તે સ્પષ્ટ રીતે દેખાતું ન હતું, પરંતુ આવા કિસ્સાઓમાં થર્ડ અમ્પાયર તેની વિવેકબુદ્ધિ મુજબ નિર્ણય લઈ શકે છે.
એ જ રીતે જ્યારે આકાશ દીપના બેટની નજીકથી બોલ પસાર થયો ત્યારે સ્નીકોમીટર પર કોઈ હિલચાલ ન હતી, પરંતુ બોલ પેડ સાથે અથડાતા પહેલા સ્નીકોમીટર હલી ગયું હતું. આ ઉપરાંત બેટની કિનારી પર બોલના લાલ નિશાન પણ હતા. આવી સ્થિતિમાં ત્રીજા અમ્પાયરે ઓસ્ટ્રેલિયાની તરફેણમાં નિર્ણય આપ્યો હતો. (All Photo Credit : PTI / X / INSTAGRAM)
