WTC 2027: વર્લ્ડ ટેસ્ટ ચેમ્પિયનશિપ ફાઈનલની તારીખ જાહેર, એશિઝનું સંપૂર્ણ શેડ્યૂલ પણ આવ્યું સામે
ઈંગ્લેન્ડે પોતાના ઘરઆંગણે રમાનારી મેચોનો કાર્યક્રમ જાહેર કર્યો છે, જેમાં એશિઝ શ્રેણી અને વર્લ્ડ ટેસ્ટ ચેમ્પિયનશિપની ફાઈનલનો સમાવેશ થાય છે. ચાલો જાણીએ ક્યારે યોજાશે WTC 2027 ફાઈનલ.
ઈંગ્લેન્ડ ક્રિકેટ બોર્ડ દ્વારા વર્લ્ડ ટેસ્ટ ચેમ્પિયનશિપ ફાઈનલની તારીખ પણ જાહેર કરવામાં આવી છે.
WTC 2027 ફાઈનલ મેચ 9 જૂનથી 13 જૂન દરમિયાન ઈંગ્લેન્ડના ઓવલ ગ્રાઉન્ડ ખાતે રમાશે.
ઈંગ્લેન્ડે તેના ઘરઆંગણેના શેડ્યૂલની પણ જાહેરાત કરી છે, જેમાં પાકિસ્તાન સામે પાંચ વનડે, બાંગ્લાદેશ સામે એક ટેસ્ટ અને પછી ઓસ્ટ્રેલિયા સામે એશિઝ શ્રેણીનો સમાવેશ થાય છે. ઈંગ્લેન્ડ ન્યૂઝીલેન્ડ સામે પાંચ વનડે અને ત્રણ T20 મેચ પણ રમશે.
એશિઝ શ્રેણી 18 જૂન, 2027 ના રોજ નોટિંગહામમાં શરૂ થશે. બીજી ટેસ્ટ 30 જૂને લોર્ડ્સમાં રમાશે. ત્રીજી ટેસ્ટ 8 જુલાઈએ એજબેસ્ટનમાં રમાશે.
એશિઝ શ્રેણીની ચોથી ટેસ્ટ મેચ 21 જુલાઈએ સાઉથમ્પ્ટનમાં રમાશે, જ્યારે પાંચમી અને સિરીઝની અંતિમ ટેસ્ટ મેચ 29 જુલાઈએ ઓવલ ખાતે રમાશે.
ઈંગ્લેન્ડની ટીમ માટે ઘરઆંગણેની શ્રેણી ખૂબ જ રસપ્રદ બનવાની છે કારણ કે તેમની ટેસ્ટ ટીમનો હેડ કોચ બદલાવાનો છે. બ્રેન્ડન મેક્કુલમની જગ્યાએ જસ્ટિન લેંગર હેડ કોચ બને તેવી શક્યતા છે. (PC-GETTY IMAGES)
