ICC rule book EP 12 : ક્રિકેટમાં મેચ શરૂ અને બંધ કરવા માટે ICCનો ખાસ નિયમ શું છે?
ક્રિકેટ જોઈને તો બધાને મજા પડે છે. પણ ક્યારે રમત શરૂ થાય, ક્યારે થોડીવાર માટે રોકાય અને ક્યારે આખી દિવસની રમત પૂરી થાય, એ બધું નક્કી કરવા માટે પણ નિયમ છે. ICC રૂલબુક મુજબ આ માટે નિયમ નંબર 12 છે. ચાલો, આ નિયમ સરળ ભાષામાં સમજીએ.
ICC રૂલબુક મુજબ નિયમ નંબર 12 "Start of play; cessation of play" ક્રિકેટમાં રમતની શરૂઆત અને અંત માટે છે.
જ્યારે એમ્પાયર “Play” બોલે, ત્યારે રમત શરૂ થાય છે. એટલે બોલર બોલ નાખે અને બેટ્સમેન તૈયારી કરે.
જ્યારે બ્રેક હોય કે દિવસની રમત પૂરી થતી હોય, ત્યારે એમ્પાયર “Time” બોલે. પછી વિકેટ પરથી બેલ્સ હટાવી દે છે.
જો બ્રેક માટે થોડો સમય બાકી હોય, તો umpire નક્કી કરે કે નવી ઓવર શરૂ કરવી કે નહીં.
જો બ્રેક શરૂ થવામાં 3 મિનિટથી ઓછો સમય હોય, અને બેટ્સમેન આઉટ થઈ જાય કે ખેલાડીઓ મેદાનમાંથી બહાર ચાલ્યા જાય, તો ઓવર પૂરી કર્યા વિના બ્રેક લઈ શકાય.
જ્યારે આખા દિવસની રમતનો 1 કલાક બાકી હોય, ત્યારે એને “લાસ્ટ અવર” કહે છે. આ સમયગાળામાં ઓછામાં ઓછી 20 ઓવર રમવી જ પડે છે. જો વરસાદ કે બીજો કોઈ અવરોધ આવે, તો ઓવર ઘટાડી શકાય. (All Photo Credit : PTI / ICC / MCC / X)
Published On - 9:17 pm, Sat, 2 August 25
