Vaishnavi Sharma : કોણ છે વૈષ્ણવી શર્મા 5 રન આપી 5 વિકેટ લઈ ઈતિહાસ રચ્યો છે
India Women U19 vs Malaysia Women U19: અંડર 19 ટી20 વર્લ્ડકપમાં ટીમ ઈન્ડિયાની ડાબોડી સ્પિનર વૈષ્ણવી શર્માએ ધમાલ મચાવી છે. વૈષ્ણવીએ મલેશિયાને માત્ર 31 રનમાં ઓલઆઉટ કરી દીધું. વૈષ્ણવી શર્માએ માત્ર 5 રન આપીને 5 વિકેટ લીધી, જેમાં હેટ્રિકનો સમાવેશ થાય છે.
અંડર 19 મહિલા ટી20 વર્લ્ડકપમાં ટીમ ઈન્ડિયાની સ્પિનર વૈષ્ણવી શર્માએ ધમાલ મચાવી છે. વૈષ્ણવીએ મલેશિયાને 31 રનમાં ઓલઆઉટ કર્યું છે. વૈષ્ણવીએ 4 ઓવરમાં માત્ર 5 રન આપી 4 વિકેટ લીધી છે.
સૌથી મોટી વાત એ છે કે, વૈષ્ણવીએ હેટ્રિક પણ લીધી છે. 14મી ઓવરમાં વૈષ્ણવીએ મલેશિયાની નુર એન,નુર ઈસ્મા ડાનિયા અને સિતિ નજવાહને 3 બોલ પર આઉટ કર્યા હતા. મોટી વાત એ છે કે, વૈષ્ણવીની આ ડેબ્યુ મેચ હતી. તેમણે પોતાની પહેલી મેચમાં આ કામ કર્યું છે.
હેટ્રિક લીધા પછી વૈષ્ણવીએ કહ્યું કે તેનું સ્વપ્ન સાકાર થયું છે. કેપ્ટને તેને પહેલેથી જ કહી દીધું હતું કે તે આ મેચમાં રમવાની છે. આ ખેલાડીએ મલેશિયા સામે ડેબ્યૂ કેપ પહેરતાની સાથે જ શાનદાર કામ કર્યું.
વૈષ્ણવી અંડર 19 ટી20 વર્લ્ડકપ 2025માં હેટ્રિક લેનારી પ્રથમ ખેલાડી છે. તેમજ ટૂર્નામેન્ટના ઈતિહાસમાં માત્ર 3 ખેલાડીએ આ કારનામું કર્યું છે. ભારત તરફથી પહેલી વખત કોઈ ખેલાડીએ આ કારનામું કર્યું છે.
ભારતીય ટીમે મલેશિયાને માત્ર 31 રનમાં ઓલઆઉટ કર્યું હતુ. મલેશિયાની ટીમ માત્ર 14.3 ઓવર સુધી ક્રિઝ પર રહી હતી. મલેશિયાની કોઈ પણ ખેલાડી ડબલ આંકડામાં રન બનાવી શકી ન હતી. તો 4 ખેલાડી તો ખાતું પણ ખોલી શકી ન હતી. વૈષ્ણવી શર્મા ગ્વાલિયરની રહેવાસી છે.
19 વર્ષીય ખેલાડીનો જન્મ મધ્યપ્રદેશના ગ્વાલિયરમાં થયો હતો અને તે ચંબલ પ્રદેશમાંથી રમનાર પ્રથમ ક્રિકેટર પણ છે. તેમણે 2022-23માં જુનિયર ડોમેસ્ટિક સિઝનમાં શ્રેષ્ઠ મહિલા ક્રિકેટર માટે જગમોહન દાલમિયા ટ્રોફી પણ જીતી છે. વૈષ્ણવીએ માત્ર પાંચ વર્ષની ઉંમરે ક્રિકેટ રમવાનું શરૂ કર્યું.