T20 વર્લ્ડ કપ 2024ના સૌથી યુવા અને સૌથી મોટી ઉંમરના ખેલાડી વચ્ચે છે 25 વર્ષનું અંતર, જાણો કોણ છે આ ખેલાડીઓ
અમેરિકા અને વેસ્ટ ઈન્ડિઝમાં ચાલી રહેલ T20 વર્લ્ડ કપની નવમી આવૃત્તિમાં સૌથી વધુ ઉંમરનો અને સૌથી યુવા ખેલાડી કોણ છે? શું આ ખેલાડીઓ ભારતના છે કે બીજા કોઈ દેશના? આ સવાલ હાલ બધાના મનમાં છે. આ આર્ટીકલમાં તમને આનો જવાબ મળી જશે. જો આપણે T20 વર્લ્ડ કપ 2024માં સૌથી મોટી ઉંમરના અને સૌથી યુવા ખેલાડીની વાત કરીએ તો તેમની વચ્ચે 25 વર્ષનો તફાવત છે. જાણો કોણ છે આ ખેલાડીઓ.\
અમેરિકા અને વેસ્ટ ઈન્ડિઝ દ્વારા આયોજિત થનારા T20 વર્લ્ડ કપ 2024માં સૌથી વૃદ્ધ ખેલાડીનું નામ ફ્રેન્ક નાસુબુગા છે. નસુબુગા યુગાન્ડા માટે ક્રિકેટ રમે છે.
16 વર્ષની વયે આંતરરાષ્ટ્રીય ક્રિકેટમાં ડેબ્યૂ કરનાર નસુબુગા 43 વર્ષ 279 દિવસનો છે. તેણે 1997માં આંતરરાષ્ટ્રીય ક્રિકેટમાં પ્રવેશ કર્યો હતો. 2011 થી તે ટીમનો કાયમી સભ્ય છે. યુગાન્ડાની ટીમ પ્રથમ વખત T20 વર્લ્ડ કપ રમી રહી છે.
ફ્રેન્ક નસુબુગા બોલિંગ ઓલરાઉન્ડર છે. તે ધીમી લેફ્ટ આર્મ ઓર્થોડોક્સ બોલિંગ પણ કરે છે. વર્ષ 2019માં T20 આંતરરાષ્ટ્રીય ક્રિકેટમાં પ્રવેશ કરનાર નસુબુગાએ 54 T20 મેચોમાં 55 વિકેટ લીધી છે. આ સમયગાળા દરમિયાન તેણે 158 રન બનાવ્યા છે.
નેપાળનો ક્રિકેટર ગુલશન ઝા સૌથી યુવા ખેલાડી તરીકે T20 વર્લ્ડ કપ 2024માં પ્રવેશ કરી રહ્યો છે. ગુલશન ઝા 18 વર્ષ 106 દિવસનો છે. ગુલશન નેપાળની ટીમમાં ફાસ્ટ બોલરની ભૂમિકા ભજવી રહ્યો છે.
ગુલશને 29 T20 ઈન્ટરનેશનલ મેચમાં 19 વિકેટ લીધી છે, જેમાં 27 ODI મેચોમાં તેના નામે 21 વિકેટ છે. જમણા હાથના મધ્યમ ઝડપી બોલર ગુલશન ઝાએ 2021માં આંતરરાષ્ટ્રીય ક્રિકેટમાં પદાર્પણ કર્યું હતું. ગુલશને બેટિંગમાં 27 વનડેમાં 514 રન બનાવ્યા છે જ્યારે T20માં તેના નામે 362 રન છે.
Published On - 8:44 pm, Mon, 3 June 24