‘બસ એક અઠવાડિયું…’ ચેતેશ્વર પૂજારાએ નિવૃત્તિ વિશે કર્યો ખુલાસો, આ છે નિવૃત્તિ લેવાનું કારણ
ચેતેશ્વર પૂજારાએ 24 ઓગસ્ટના રોજ આંતરરાષ્ટ્રીય ક્રિકેટ તેમજ સ્થાનિક ક્રિકેટમાંથી નિવૃત્તિની જાહેરાત કરીને બધાને ચોંકાવી દીધા હતા. થોડા દિવસો પહેલા જ તે રણજી ટ્રોફી સઝનમાં રમવાની તૈયારી કરી રહ્યો હતો પરંતુ હવે અચાનક તેણે નિવૃત્તિની જાહેરાત કરી દીધી છે. જાણો પૂજારાએ કેમ અચાનક નિવૃત્તિ લેવાનો નિર્ણય લીધો.
ચેતેશ્વર પૂજારાએ કહ્યું કે તેણે ભારતીય ટીમ માટે રમવાનું પોતાનું સ્વપ્ન પૂર્ણ કર્યું. આ સ્ટાર બેટ્સમેને ટીમ ઈન્ડિયા માટે 103 ટેસ્ટ મેચ રમી, જેમાંથી છેલ્લી મેચ જૂન 2023માં ઓસ્ટ્રેલિયા સામે વર્લ્ડ ટેસ્ટ ચેમ્પિયનશિપની ફાઈનલ હતી.
નિવૃત્તિની જાહેરાત કર્યા પછી, પૂજારાએ એક ઈન્ટરવ્યુમાં ખુલાસો કર્યો કે નિવૃત્તિનો વિચાર તેના મનમાં એક અઠવાડિયા પહેલા જ આવ્યો હતો અને ત્યારથી તે તેના વિશે વિચારી રહ્યો હતો.
પૂજારાએ કહ્યું, "મેં પહેલા આ વિશે વધારે વિચાર્યું ન હતું. પરંતુ છેલ્લા એક અઠવાડિયાથી હું વિચારી રહ્યો હતો કે આ યોગ્ય સમય છે. તેથી જ્યારે મેં આજે આ નિર્ણય લીધો, ત્યારે તે મારા અને મારા પરિવાર માટે ગર્વની ક્ષણ છે. ટીમ ઈન્ડિયા માટે રમવાનું સ્વપ્ન પૂર્ણ થયું."
યોગાનુયોગ, પૂજારાના ખુલાસાથી ખબર પડે છે કે દુલીપ ટ્રોફી 2025 માટે વેસ્ટ ઝોન ટીમમાં સ્થાન ન મળવાની પણ નિવૃત્તિના નિર્ણયમાં મોટી ભૂમિકા હોઈ શકે છે. જોકે, આ પછી, સમાચાર પણ આવ્યા કે પૂજારા ફરી એકવાર સૌરાષ્ટ્ર માટે રણજી ટ્રોફી સિઝન રમવા માટે ઉપલબ્ધ છે, પરંતુ તે પહેલા તેણે નિવૃત્તિની જાહેરાત કરી.
પૂજારાએ આનું કારણ પણ સમજાવ્યું. તેમણે કહ્યું, "પહેલાં હું રણજી ટ્રોફીમાં રમવાનું વિચારી રહ્યો હતો પરંતુ પછી મેં વિચાર્યું કે જો યુવા ખેલાડીઓને તક મળશે, તો તેઓ ઝડપથી તૈયાર થઈ જશે. તો આ મારો વ્યક્તિગત નિર્ણય હતો." (All Photo Credit : PTI / GETTY)
