ક્રિકેટમાંથી સંન્યાસ લેવાનો સિલસિલો યથાવત, વધુ એક ભારતીય ક્રિકેટરે લીધી નિવૃત્તિ
ટીમ ઈન્ડિયાના એક ફાસ્ટ બોલરે પ્રોફેશનલ ક્રિકેટમાંથી સંન્યાસ લેવાની જાહેરાત કરી છે. આ ખેલાડીએ વર્ષ 2016માં ટીમ ઈન્ડિયા માટે ડેબ્યૂ કર્યું હતું. આ સાથે જ આ ખેલાડીને IPLમાં રમવાની તક પણ મળી.
બરિન્દર સરને કહ્યું, ભલે મારી આંતરરાષ્ટ્રીય કારકિર્દી ટૂંકી હતી, પરંતુ સર્જાયેલી યાદો હંમેશા યાદ રહેશે. મને સાચા કોચ અને મેનેજમેન્ટ આપવા બદલ હું ભગવાનનો હંમેશ માટે આભારી છું જેમણે મારી સમગ્ર સફરમાં મને સાથ આપ્યો. જ્યારે હું આ નવા અધ્યાયની શરૂઆત કરું છું, ત્યારે ક્રિકેટે મને આપેલી તકો માટે હું ખૂબ જ આભારી છું. અંતે, કહેવાય છે કે આકાશની જેમ સપનાની પણ કોઈ મર્યાદા હોતી નથી, માટે સપના જોતા રહો.
બરિન્દર સરને 2016માં ઓસ્ટ્રેલિયા સામે વનડેમાં ડેબ્યૂ કર્યું હતું. આ સાથે જ તેણે ઝિમ્બાબ્વે સામે T20માં ડેબ્યૂ કર્યું હતું. તેની આંતરરાષ્ટ્રીય કારકિર્દી દરમિયાન, બરિન્દર સરને 6 ODI અને 2 T20 આંતરરાષ્ટ્રીય મેચ રમી હતી. આ સમયગાળા દરમિયાન, તેણે ODIમાં કુલ 7 વિકેટ અને T20 આંતરરાષ્ટ્રીયમાં 6 વિકેટ લીધી. આ સિવાય તેણે IPLમાં 4 ટીમો માટે કુલ 24 મેચ રમી હતી. બરિન્દર સરને આ મેચમાં 18 વિકેટ લીધી હતી.
Published On - 9:00 pm, Thu, 29 August 24
