T20 World Cup 2024 : T20I ક્રિકેટના ઈતિહાસમાં આ પહેલીવાર બન્યું કે, 6 ખેલાડીઓ એક જ સ્ટાઈલમાં આઉટ થયા
નામીબિયા અને ઓમાન વચ્ચે રમાયેલી મેચ શાનદાર જોવા મળી હતી. આ મેચમાં એક નવો રેકોર્ડ પણ બન્યો છે. ક્રિકેટના ઈતિહાસમાં પહેલી વખત એવું થયું છે કે, એક ટીમના એક, બે નહિ પરંતુ કુલ 6 ખેલાડીઓ એક જ સ્ટાઈલમાં આઉટ થયા છે.
ટી 20 વર્લ્ડકપ 2024માં શર્મનાક રેકોર્ડ બની રહ્યા છે. ઓમાનની ટીમે હાર સાથે એક રેકોર્ડ પોતાને નામ કરી લીધો છે. ટી20 વર્લ્ડકપની બીજી સુપર ઓવર આજે રમાઈ હતી.
ટી20 વર્લ્ડકપ 2024 શરુ થઈ ચુક્યો છે, ટી20 વર્લ્ડકપની ત્રીજી મેચ નામીબિયા અને ઓમાન વચ્ચે રમાઈ હતી. આ મેચમાં નામીબિયાએ સુપર ઓવરમાં ઓમાનને ધુળ ચટાવી છે. 109 રન પર મેચ ટાઈ થયા બાદ નામીબિયાએ સુપર ઓવરમાં ઓમાન સામે જીત માટે 22 રનનો ટાર્ગેટ રાખ્યો હતો.
જેની સામે ટીમ માત્ર 10 રન જ બનાવી શકી હતી. ટી20 વર્લ્ડકપમાં 12 વર્ષ બાદ કોઈ મેચનું પરિણામ સુપર ઓવરમાં સામે આવ્યું છે. આ મેચમાં એક વધુ રેકોર્ડની પણ ચર્ચા થઈ રહી છે. ઓમાનની ઈનિગ્સ દરમિયાન કુલ 6 ખેલાડી એલબીડબલ્યુ આઉટ થયા છે. ટી20 ક્રિકેટમાં આ એક વર્લ્ડ રેકોર્ડ છે.
T20I ક્રિકેટના ઈતિહાસમાં એવું પહેલી વખત થયું છે કે, જ્યારે એક ઈનિગ્સમાં 6 ખેલાડી એલબીડબલ્યું આઉટ થયા છે. આ પહેલા 3 વખત આવું થયું છે. જ્યારે એક ઈનિગ્સમાં 5-5 બેટ્સમેન એલબી ડબલ્યુ આઉટ થયા છે. જેમાં નેધરલેન્ડનું નામ 2 વખત સામેલ છે પરંતુ 6 ખેલાડી એલબીડબલ્યુ આઉટ થવાની આ ઘટના પહેલી છે.
નામીબિયાને સુપર ઓવરમાં એકલા દમ પર મેચ જીતાડનાર ડેવિડે પહેલા બેટિંગ કરી 21માંથી 13 રન આ ખેલાડીએ બનાવ્યા હતા.ત્યારબાદ તેમણે આ સ્કોરને પુરો કરવા માટે 1 વિકેટ લીધી હતી. ડેવિડના આ શાનદાર પ્રદર્શન માટે તેને પ્લેયર ઓફ ધ મેચના એવોર્ડથી પણ નવાજવામાં આવ્યો છે.