6 ચોગ્ગા અને 5 છગ્ગા… સૂર્યકુમાર યાદવની તોફાની વાપસી, માત્ર 15 બોલમાં ફટકારી અડધી સદી
ભારતીય સ્ટાર બેટ્સમેન સૂર્યકુમાર યાદવે સૈયદ મુશ્તાક અલી ટ્રોફીની ધમાકેદાર શરૂઆત કરી હતી. તેણે હૈદરાબાદ સામે માત્ર 15 બોલમાં અડધી સદી ફટકારી હતી. વર્લ્ડ કપ બાદ ટીમની બહાર ચાલી રહેલા સૂર્યાએ દમદાર ફિફ્ટી ફટકારી જોરદાર વાપસી કરી હતી.
T20 વર્લ્ડ કપ 2026 ટ્રોફી જીત્યા બાદ ભારતીય ટીમની કેપ્ટનશીપ ગુમાવનાર સ્ટાર બેટ્સમેન સૂર્યકુમાર યાદવે ખૂબ જ વિસ્ફોટક રીતે મેદાન પર વાપસી કરી છે.
IPL 2026 પછી પહેલીવાર સ્પર્ધાત્મક ક્રિકેટ રમનારા સૂર્યકુમારે ઘરેલુ T20 ટુર્નામેન્ટ સૈયદ મુશ્તાક અલી ટ્રોફીની પહેલી જ મેચમાં હૈદરાબાદના બોલરોની જોરદાર ધુલાઈ કરી હતી.
કોલકાતામાં રમાયેલી આ મેચમાં મુંબઈની કેપ્ટનશીપ કરી રહેલા સૂર્યકુમાર યાદવે માત્ર 15 બોલમાં પોતાની અડધી સદી પૂરી કરી હતી.
સૂર્યકુમાર યાદવ મેચના અંત સુધી અણનમ રહ્યો અને 21 બોલમાં 60 રનની દમદાર ઇનિંગ રમી હતી.
લાંબા સમય પછી મેદાનમાં પાછા ફરેલા સૂર્યકુમાર યાદવે લયના અભાવના કોઈ સંકેતો દર્શાવ્યા નહીં.
ચોથા નંબર પર બેટિંગ કરતા કેપ્ટન સૂર્યાએ 285.71 ના ધમાકેદાર સ્ટ્રાઇક રેટથી બેટિંગ કરી, જેમાં છ ચોગ્ગા અને પાંચ છગ્ગા ફટકાર્યા.
સૂર્યકુમાર યાદવે ફક્ત 15 બોલમાં પોતાની અડધી સદી પૂરી કરીને પોતાના ઇરાદા સ્પષ્ટ કર્યા, જેનાથી 173 રનનો લક્ષ્યાંક પણ નાનો લાગ્યો.
સૂર્યકુમારની વિસ્ફોટક બેટિંગના કારણે, મુંબઈએ ફક્ત 13.1 ઓવરમાં ત્રણ વિકેટ ગુમાવીને લક્ષ્ય હાંસલ કર્યું, અને ટુર્નામેન્ટની શરૂઆત સાત વિકેટથી શાનદાર જીત સાથે કરી.(PC:PTI/X)
Published On - 5:52 pm, Sat, 14 November 26
