પાકિસ્તાની ટીમના કોચની છુટ્ટી, PCBએ સિરીઝના 14 દિવસ પહેલા કાઢી મૂક્યો
પાકિસ્તાન ક્રિકેટ બોર્ડે છેલ્લા દોઢ વર્ષમાં ઘણા કોચ અને આસિસ્ટન્ટ કોચને નિયુક્ત અને બરતરફ કર્યા છે. બોર્ડે ફરી એકવાર એવું જ કર્યું છે અને દક્ષિણ આફ્રિકા સામેની ટેસ્ટ શ્રેણી પહેલા કોચિંગ સ્ટાફને લઈને આ મોટો નિર્ણય લીધો છે.
રિપોર્ટમાં દાવો કરવામાં આવ્યો છે કે PCBએ આ નિર્ણયને લઈને ગિલેસ્પીની કોઈ સલાહ લીધી ન હતી અને તેને તેની જાણ પણ કરવામાં આવી ન હતી, જેના કારણે ગિલેસ્પી નાખુશ છે. આવી સ્થિતિમાં, તે પણ હવે પાકિસ્તાની ટીમ સાથે કોચ તરીકે ચાલુ રાખવાની સંભાવના પર વિચાર કરી રહ્યો છે, ગયા મહિને જ એવા અહેવાલો આવ્યા હતા કે પાકિસ્તાની બોર્ડ ગિલેસ્પીને હટાવવાની તૈયારી કરી રહ્યું છે. ત્યારપછી એવો દાવો કરવામાં આવ્યો હતો કે ઓસ્ટ્રેલિયામાં વનડે અને T20 સિરીઝ પૂરી થતાં જ તેને બહાર કરી દેવામાં આવશે.
ODI-T20 કોચ ગેરી કર્સ્ટનના રાજીનામા બાદ PCBએ ગિલેસ્પીને આ સિરીઝમાં પણ કોચ તરીકે રહેવા માટે મનાવી લીધો હતો, જોકે તે માત્ર ટેસ્ટ ટીમનો કોચ છે. જોકે PCBએ પાછળથી ગિલેસ્પીને હટાવવાના દાવાને નકારી કાઢ્યા હતા. માત્ર એટલું જ કહ્યું હતું કે તે દક્ષિણ આફ્રિકામાં યોજાનારી ટેસ્ટ શ્રેણીમાં કોચ તરીકે રહેશે. ગિલેસ્પીને PCBએ આ વર્ષે એપ્રિલમાં કોચ તરીકે નિયુક્ત કર્યા હતા.
Published On - 6:01 pm, Thu, 12 December 24
