MSD Sakshi’s Love Story: ધોની-સાક્ષીની ક્લાસમેટથી લઈ પતિ-પત્ની બનવા સુધીની ક્યૂટ લવ સ્ટોરી જાણો
એમએસ ધોની, જે પોતાનો 42મો જન્મદિવસ ઉજવી રહ્યો છે, તેને 2007 T20 વર્લ્ડ કપ જીત્યા પછી તેની કારકિર્દીમાં ઓળખ મળી. એપ્રિલ 2010માં તે IPL ચેમ્પિયન પણ બન્યો હતો. પરંતુ, તેની સફળતાને પાંખો ત્યારે જ મળી જ્યારે સાક્ષી તેના જીવનમાં ખરા અર્થમાં આવી.
ધોની અને સાક્ષીએ માર્ચ 2008થી એકબીજાને ડેટ કરવાનું શરૂ કર્યું હતું. બંનેએ પોતાનો પ્રેમ એટલો ગુપ્ત રાખ્યો હતો કે લગ્નના દિવસ સુધી દુનિયાને તેની ખબર પણ ન પડી. 2 વર્ષ સુધી ડેટિંગ કર્યા બાદ બંનેએ 4 જુલાઈ 2010ના રોજ લગ્ન કરી લીધા.
સાક્ષીની લાઈફમાં એન્ટ્રી બાદ ધોનીની સફળતાએ વળાંક લીધો હોય તેવું લાગી રહ્યું છે. બીજા જ વર્ષે એટલે કે 2011માં તેણે પોતાની કેપ્ટનશીપમાં ભારતને બીજી વખત ODI વર્લ્ડ ચેમ્પિયન બનાવ્યું. ધોનીના ચાહકો એ વાતથી પણ ખુશ હતા કે તે જ વર્ષે, તેની કેપ્ટનશિપ હેઠળ, તેણે ચેન્નાઈ સુપર કિંગ્સને સતત બીજી આઈપીએલ ટાઇટલ પણ અપાવ્યું.
સાક્ષી સાથે લગ્ન કર્યા બાદ દરેક બદલાતા વર્ષ સાથે ધોનીની સફળતાની ગાડી પણ દોડતી જોવા મળી હતી. વર્ષ 2013માં તેણે પોતાની કેપ્ટનશીપમાં ભારતને ઈંગ્લેન્ડની ધરતી પર ચેમ્પિયન્સ ટ્રોફીમાં ચેમ્પિયન બનાવ્યું હતું. આ સાથે ધોની એકમાત્ર એવો સુકાની બન્યો કે જેણે ICCના ત્રણેય મોટા ખિતાબ પોતાના નામે કર્યા.
એમએસ ધોની હવે આંતરરાષ્ટ્રીય ક્રિકેટથી દૂર છે. પરંતુ, તે હજુ પણ IPLની પિચ પર સફળતાની સ્ક્રિપ્ટ લખવાનું ચાલુ રાખે છે. તેણે તેની ટીમને છેલ્લી 6 આઈપીએલ સીઝનમાંથી 3 જીતી છે અને તેની પત્ની લગભગ દરેક મેચની સાક્ષી બની છે. મતલબ જ્યાં ધોની છે, ત્યાં સાક્ષી છે અને સફળતાની આખી કહાની તેની આસપાસ ફરે છે.(All Photo: Instagram-Chennaiipl/MSDhoni/SakshiDhoni)
Published On - 9:32 am, Fri, 7 July 23
