વનડે વર્લ્ડ કપમાં બેસ્ટ બોલિંગ ફિગર મામલે ટોપ-5માં સામેલ થયો મોહમ્મદ શમી, જાણો કોણ છે લિસ્ટમાં?
વર્લ્ડ કપ 2023ની સેમી ફાઈનલમાં ન્યુઝીલેન્ડ સામે ફાસ્ટ બોલર મોહમ્મદ શમીએ તરખાટ મચાવતા સાત વિકેટ ઝડપી હતી અને ભારતને જીત અપાવી ફાઈનલમાં પહોંચાડ્યું હતું. શમી વનડેમાં સાત વિકેટ ઝડપનાર પહેલો ભારતીય બોલર બન્યો હતો, સાથે જ વનડે વર્લ્ડ કપમાં એક મેચમાં બેસ્ટ બોલિંગ પ્રદર્શન મામલે ટોપ-5 માં સામેલ થયો હતો.
વર્લ્ડ કપ 2023માં મોહમ્મદ શમીનું પ્રદર્શન શાનદાર રહ્યું છે. તેણે સેમી ફાઈનલમાં સાત વિકેટ ઝડપી હતી અને બેસ્ટ બોલિંગ ફિગર મામલે ટોપ-5માં સામેલ થયો હતો. 9.5 ઓવરમાં 57 રન આપી 7 વિકેટ ઝડપી શમી આ લિસ્ટમાં પાંચમા ક્રમે પહોંચ્યો છે.
1983 વર્લ્ડ કપમાં વેસ્ટ ઈન્ડિઝના વિનસ્ટોન ડેવિસે 51 રન આપી સાત વિકેટ ઝડપી હતી અને ડેવિસ ટોપ 5 બેસ્ટ બોલિંગ ફિગર ધરાવનાર ખેલાડીઓની લિસ્ટમાં ચોથા ક્રમે છે.
ન્યુઝીલેન્ડના ટીમ સાઉથીએ વર્લ્ડ કપ 2015માં 33 રન આપી સાત વિકેટ ઝડપી હતી, તે વર્લ્ડ કપમાં બેસ્ટ બોલિંગ ફિગર મામલે ત્રીજા ક્રમે છે.
વર્લ્ડ કપ 2023માં ઓસ્ટ્રેલિયાના એન્ડી બિચેલે 20 રન આપી 7 વિકેટ ઝડપી હતી અને આ વર્લ્ડ કપની એક મેચમાં કોઈ પણ બોલરનું બીજું શ્રેષ્ઠ બોલિંગ પ્રદર્શન રહ્યું છે.
વર્લ્ડ કપમાં બેસ્ટ બોલિંગ ફિગરનો રેકોર્ડ ઓસ્ટ્રેલિયાના મહાન ફાસ્ટ બોલર ગ્લેન મેકગ્રાના નામે છે. મેકગ્રાએ વર્લ્ડ કપ 2023માં 15 રન આપી 7 વિકેટ ઝડપી હતી. આ રેકોર્ડ આજે પણ અકબંધ છે.