Viral Girl: ‘6-7’ સેલિબ્રેશનથી ઈન્ટરનેટ સેન્સેશન બની ગયેલી દિલ્હીની યુવા મહિલા ક્રિકેટર કોણ છે?
યુવા ક્રિકેટર મેધવી બિધુરી મહિલા દિલ્હી પ્રીમિયર લીગ 2026 દરમિયાન પોતાની રમત અને અનોખા અંદાજથી ઇન્ટરનેટ સેન્સેશન બની ગઈ છે. તે આ સિઝનમાં સેન્ટ્રલ દિલ્હી ક્વીન્સ તરફથી રમી રહી છે. તેના એક સેલિબ્રેશનથી તે ખૂબ જ વાયરલ થઈ છે. ચાલો જાણીએ કોણ છે આ વાયરલ ગર્લ.
મહિલા દિલ્હી પ્રીમિયર લીગ 2026 વચ્ચે, 20 વર્ષીય ઓલરાઉન્ડર મેધવી બિધુરી તેની શાનદાર રમત અને અનોખી ઉજવણીથી ઇન્ટરનેટ અને સોશિયલ મીડિયા પર સેન્સેશન બની ગઈ છે.
તાજેતરમાં, સેન્ટ્રલ દિલ્હી ક્વીન્સ તરફથી રમતી મેધાવીએ સાઉથ દિલ્હી સુપરસ્ટાર્સ સામેની મેચમાં બે વિકેટ લીધા બાદ "6-7" ના એક અનોખા ઇશારા સાથે ઉજવણી કરી હતી. ત્યારથી તે ચાહકોની પ્રિય બની ગઈ છે. "6-7" એક વાયરલ મીમ જોક છે અને તેનો કોઈ ચોક્કસ અર્થ નથી.
મેધવી બિધુરીનો જન્મ 29 ઓક્ટોબર, 2005 ના રોજ થયો હતો. 20 વર્ષીય આ ખેલાડી લાંબા સમયથી દિલ્હીના સ્થાનિક ક્રિકેટ સર્કિટનો ભાગ છે. તે એક સ્પિન ઓલરાઉન્ડર છે જે રનને નિયંત્રિત કરવામાં અને બોલ સાથે વિકેટ લેવામાં તેમજ બેટિંગ કરવામાં સક્ષમ છે.
મેધવી બિધુરી ફક્ત તેની ઉજવણી માટે જ નહીં પરંતુ મોટી મેચોમાં મેચ વિનિંગ પ્રદર્શન માટે પણ જાણીતી છે. ગયા સિઝનમાં, તે સાઉથ દિલ્હી સુપરસ્ટાર્સ માટે રમી હતી. તેણીએ ફાઇનલમાં શાનદાર બોલિંગ કરી હતી, 3 ઓવરમાં 26 રન આપીને 3 વિકેટ લીધી હતી અને તેની ટીમની જીતમાં મુખ્ય ભૂમિકા ભજવી હતી.
આ સિઝનમાં તે સેન્ટ્રલ દિલ્હી ક્વીન્સ માટે રમતી વખતે તેની બોલિંગ અને ખાય અંદાજથી સતત હેડલાઇન્સમાં રહી છે. મેધવી બિધુરીની ચાહકોની સંખ્યા ઝડપથી વધી રહી છે. ચાહકો તેના મેદાન પરના એટિટ્યૂટ અને ક્રિકેટ સ્કિલની પ્રશંસા કરી રહ્યા છે. (PC:DPL/INSTAGRAM)
Published On - 4:35 pm, Sat, 22 August 26
