Wasim Akram love story : વસીમ અકરમ તેના કરતા 17 વર્ષ નાની વિદેશી યુવતીના પ્રેમમાં પડ્યો, શનેરા માત્ર સારી પત્ની જ નહીં પણ એક સારી માતા પણ છે
પાકિસ્તાનના પૂર્વ કેપ્ટન વસીમ અકરમ (Wasim Akram )ની પહેલી પત્ની હુમા મુફ્તીનું 2009માં અવસાન થયું હતું, અકરમે 2013માં બીજા લગ્ન કર્યા હતા.અકરમની પહેલી પત્ની હુમાનું 2009માં લાંબી બીમારી બાદ અવસાન થયું હતું. અકરમને તેની પહેલી પત્નીથી બે પુત્રો તૈમૂર અને અકબર છે.
બંનેની મુલાકાત 2011માં મેલબોર્નમાં થઈ હતી.શનેરાએ ઈસ્લામ ધર્મ અંગીકાર કર્યો હતો અને હવે તે ઉર્દૂ શીખી રહી છે.અકરમે કહ્યું, તે મારા પુત્રોની ખૂબ નજીક છે અને તેમની વચ્ચે ખૂબ સારા સંબંધ છે. હું આશા રાખું છું કે પાકિસ્તાનના લોકો અને વિશ્વભરના અમારા મિત્રો અને ચાહકો અમને આ રીતે જ પ્રેમ કરતા રહે,
વસીમ અકરમની મુલાકાત વર્ષ 2011માં શનેરા સાથે થઈ હતી. તે સમયે વસીમ કોમેન્ટ્રી માટે ઓસ્ટ્રેલિયા ગયો હતો. શનેરા ઓસ્ટ્રેલિયામાં એક પબ્લિક રિલેશન ફર્મમાં કામ કરતી હતી જેના દ્વારા તેની મુલાકાત વસીમ સાથે થઈ હતી. મીટિંગ પછી બંને એકબીજાને પસંદ કરવા લાગ્યા અને ધીમે-ધીમે તેઓ રિલેશનશિપમાં આવી ગયા.
બંનેએ એકબીજાને 3 વર્ષ સુધી ડેટ કર્યા, પછી તેમના સંબંધો દિવસેને દિવસે ગાઢ થતા ગયા. આ 3 વર્ષોમાં, બંને પર ઘણા સમાચાર પ્રકાશિત થયા અને બંનેએ અનેક વખત ચર્ચામાં પણ રહ્યા હતા.ત્યારપછી વર્ષ 2013માં વસીમ અકરમે ખૂબ જ ફિલ્મી રીતે શનેરાને લગ્ન માટે પ્રપોઝ કર્યું હતું. તે સમયે વસીમ 47 વર્ષનો હતો અને શનેરા 30 વર્ષની હતી.
વસીમે ફિલ્મી હીરોની જેમ ઘૂંટણિયે પડીને શનેરાને પોતાના દિલની વાત કહી હતી. જ્યારે શનેરાને આ વિશે પૂછવામાં આવ્યું તો તેણે કહ્યું, "તે ક્ષણ મારા જીવનની સૌથી રોમેન્ટિક ક્ષણ હતી, હું તે ક્ષણ ક્યારેય ભૂલી શકતી નથી.
વર્ષ 2013માં આ સુંદર દંપતીએ લગ્ન કર્યા. વર્ષ 2014 માં, શનેરાએ એક સુંદર બાળકીને જન્મ આપ્યો જેનું નામ આઈલા છે. આજે, વસીમ અને શનેરાની જોડી એક ઉદાહરણ બની ગઈ છે, ખાસ કરીને શનેરા જે રીતે વસીમના બે પુત્રો અકબર અને તૈમૂરની સંભાળ રાખે છે, તે સાબિત કરે છે કે શનેરા માત્ર ખૂબ જ સારી પત્ની નથી પણ એક સારી માતા પણ છે. હાલમાં વસીમ અકરમ કોમેન્ટ્રી કરે છે.
Published On - 2:30 pm, Thu, 12 October 23
