જસપ્રીત બુમરાહે 9 વિકેટ લીધી, પ્લેયર ઓફ મેચ બન્યો, પણ આ મામલે નિષ્ફળ ગયો!
જસપ્રીત બુમરાહે ઈંગ્લેન્ડ સામેની વિશાખાપટ્ટનમ ટેસ્ટમાં શાનદાર બોલિંગ કરી અને ટીમ ઈન્ડિયાને જીત અપાવી. બુમરાહે બીજી ટેસ્ટમાં 9 વિકેટ પોતાના નામે કરી હતી. આ જમણા હાથનો બોલર પ્રથમ દાવમાં 6 અને બીજી ઈનિંગમાં 3 વિકેટ લેવામાં સફળ રહ્યો હતો. જોકે, તે 3 વર્ષમાં બીજી વખત રેકોર્ડ બનાવવાનું ચૂકી ગયો.
ટીમ ઈન્ડિયાએ ઈંગ્લેન્ડ સામેની બીજી ટેસ્ટ જીતી લીધી છે. ભારતીય ટીમે આ મેચ 106 રને જીતી લીધી હતી અને આ રીતે શ્રેણી 1-1થી બરાબર રહી હતી. ટીમ ઈન્ડિયાની જીતમાં યશસ્વી જયસ્વાલ અને શુભમન ગિલનો મોટો ફાળો હતો. પરંતુ જસપ્રીત બુમરાહે પણ જીતમાં શાનદાર ફાળો આપ્યો હતો.
જસપ્રીત બુમરાહે મેચમાં 9 વિકેટ ઝડપી હતી. બુમરાહે પ્રથમ દાવમાં 6 અને બીજી ઈનિંગમાં 3 વિકેટ ઝડપી હતી અને આ શાનદાર પ્રદર્શન માટે તેને પ્લેયર ઓફ ધ મેચનો એવોર્ડ આપવામાં આવ્યો હતો. જોકે, આ પ્રદર્શન વચ્ચે તે એક રેકોર્ડ ચૂકી ગયો હતો અને ત્રણ વર્ષ પહેલા તેણે આ નિષ્ફળતાનો સામનો પણ કર્યો હતો.
જસપ્રીત બુમરાહે ઈંગ્લેન્ડ સામે કુલ 91 રન આપીને 9 વિકેટ લીધી હતી. ઈંગ્લેન્ડ સામે આ તેના શ્રેષ્ઠ આંકડા છે. આ પહેલા વર્ષ 2023માં તેણે ઈંગ્લેન્ડ સામે નોટિંગહામ ટેસ્ટમાં 110 રન આપીને 9 વિકેટ લીધી હતી. જો કે આટલા શાનદાર પ્રદર્શન છતાં તે ચેતન શર્માનો મોટો રેકોર્ડ તોડી શક્યો નથી.
ઈંગ્લેન્ડ સામેની મેચમાં 10 વિકેટ લેવાનો રેકોર્ડ ચેતન શર્માના નામે છે, જે તેણે 1986માં એજબેસ્ટન ટેસ્ટમાં બનાવ્યો હતો. બુમરાહ બે વખત આ રેકોર્ડની નજીક આવ્યો હતો અને બંને વખત તે એક વિકેટથી ચૂકી ગયો હતો.
એમાં કોઈ શંકા નથી કે જયસ્વાલ અને ગિલે શાનદાર પ્રદર્શન કર્યું પરંતુ જસપ્રીત બુમરાહે જ ટીમ ઈન્ડિયાની જીતની સ્ક્રિપ્ટ લખી હતી. બુમરાહ જ હતો જેના બળ પર ટીમ ઈન્ડિયાને પ્રથમ દાવમાં મોટી લીડ મળી હતી. ઈંગ્લેન્ડની ટીમ પ્રથમ દાવમાં માત્ર 253 રનમાં જ સમેટાઈ ગઈ હતી.