નવું વર્ષ, નવી IPL સિઝન અને નવા લગ્ન… IPL 2025 માં ‘લેડી લક’ સાથે રમશે આ સ્ટાર ખેલાડીઓ
દરેક IPL પહેલા એક યા બીજા ક્રિકેટરના લગ્ન થાય છે. અને આ વખતે આવા ખેલાડીઓની લાંબી યાદી છે. હવે આ ખેલાડીઓને લગ્નથી મળેલું 'લેડી લક' કેટલું ફળે છે, તે તો IPL 2025ના મેદાનમાં ઉતર્યા પછી જ ખબર પડશે.
ભારતીય ક્રિકેટરોમાં, વેંકટેશ અય્યરે પણ IPL 2025 પહેલા લગ્ન કરી લીધા છે. KKR સાથે IPL 2024નો ખિતાબ જીત્યા પછી તરત જ તેણે લગ્ન કર્યા હતા. વેંકટેશ અય્યરે 2 જૂન 2024ના રોજ શ્રુતિ રઘુનાથન સાથે લગ્ન કર્યા હતા. શ્રુતિનો સાથ મળ્યા પછી, વેંકટેશનું નસીબ IPL 2025ની હરાજીમાં ચમક્યું છે, જ્યાં KKRએ તેને 23.75 કરોડ રૂપિયામાં ખરીદ્યો હતો. હવે જોવાનું એ રહે છે કે IPL 2025ના મેદાનમાં 'લેડી લક' વેંકટેશ અય્યરને કેટલી મદદ કરે છે.
ચેતન સાકરિયા IPL 2025માં KKR સાથે જોડાયો છે. તેને ઉમરાન મલિકના સ્થાને 75 લાખ રૂપિયામાં ટીમમાં સામેલ કરવામાં આવ્યો છે. તેણે તેની ગર્લફ્રેન્ડ મેઘના જાંબુચા સાથે લગ્ન કર્યા હતા.
મોહસીન ખાનના લગ્ન 11 નવેમ્બર 2024ના રોજ થયા હતા. આ ડાબોડી ફાસ્ટ બોલર IPL 2025માં LSGનો ભાગ છે. ફ્રેન્ચાઈઝીએ તેને ખરીદવા માટે 4 કરોડ રૂપિયા ખર્ચ્યા છે. જોકે, તે રમશે કે નહીં તે તેના આગામી ફિટનેસ રિપોર્ટ પર આધાર રાખે છે.
IPL 2025 પહેલા વેડિંગ ક્લબમાં જોડાનાર હરપ્રીત બ્રાર લેટેસ્ટ સભ્ય છે. તેણે મોલી સંધુ સાથે લગ્ન કર્યા છે, જેમના ઈન્સ્ટાગ્રામ એકાઉન્ટ પરથી જાણવા મળે છે કે તે વ્યવસાયે ડોક્ટર છે. આ લગ્ન માર્ચ 2025માં થયા હતા. એટલે કે, IPL 2025ની શરૂઆત પહેલા. હરપ્રીત બ્રાર IPL 2025માં પંજાબ કિંગ્સનો ભાગ છે.
RCBના વિકેટકીપર બેટ્સમેન જીતેશ શર્માએ ભલે લગ્ન ન કર્યા હોય, પરંતુ સગાઈ કરીને તેણે IPL 2025માં લેડી લક મેળવવાની પણ વ્યવસ્થા કરી છે. ઓગસ્ટ 2024માં તેની સગાઈ થઈ હતી. ગયા સિઝનમાં પંજાબ કિંગ્સનો ભાગ રહેલા જીતેશને RCBએ 11 કરોડ રૂપિયામાં ખરીદ્યો છે. (All Photo Credit : PTI / X / INSTAGRAM)
