વરસાદ છતાં હવે મેચ રદ્દ કરવી મુશ્કેલ, IPL 2025 દરમિયાન BCCIએ લીધો મોટો નિર્ણય
IPL 2025માં વરસાદ અને ચોમાસાએ ઘણી વખત ટુર્નામેન્ટને અસર કરી છે. આવી સ્થિતિમાં, ભારતીય ક્રિકેટ કંટ્રોલ બોર્ડે એક મોટો નિર્ણય લીધો છે અને IPLના નિયમોમાં ફેરફાર કર્યા છે. જેથી મેચ રદ્દ થવાની શક્યતા ઓછી થઈ શકે.
BCCIએ એક નિવેદન જારી કરીને કહ્યું કે, 'પ્લેઓફ તબક્કાની જેમ 20 મે, મંગળવારથી શરૂ થનારી લીગ તબક્કાની બાકીની મેચો માટે રમતની પરિસ્થિતિઓ માટે વધારાનો એક કલાક ફાળવવામાં આવશે.'
અગાઉ, મેચની શરતોમાં એવી શરત હતી કે લીગ મેચો માટે, વિલંબની સ્થિતિમાં ફરીથી શરૂ કરવા માટે 60 મિનિટનો વધારાનો સમય ઉપલબ્ધ હતો. પ્લેઓફ મેચોમાં આ સમય વધારીને 120 મિનિટ કરવામાં આવતો હતો. પરંતુ IPL ગવર્નિંગ કાઉન્સિલે હવે તેમાં ફેરફાર કર્યો છે.
IPL ગવર્નિંગ કાઉન્સિલે પ્લેઓફ મેચો માટે સ્થળની પણ જાહેરાત કરી છે. વરસાદને ધ્યાનમાં રાખીને સ્થળ પણ નક્કી કરવામાં આવ્યું છે. IPL 2025ની ફાઈનલ હવે 3 જૂને અમદાવાદના નરેન્દ્ર મોદી સ્ટેડિયમમાં રમાશે, જ્યારે ક્વોલિફાયર 2 પણ 1 જૂને અહીં જ યોજાશે.
આ ઉપરાંત મુલ્લાનપુરના મહારાજા યાદવિન્દ્ર સિંહ ઈન્ટરનેશનલ ક્રિકેટ સ્ટેડિયમમાં 29 અને 30 મેના રોજ ક્વોલિફાયર 1 અને એલિમિનેટરનું આયોજન કરવામાં આવશે. (All Photo Credit : PTI / X)
