આજે વડોદરામાં ભારત અને વેસ્ટ ઈન્ડિઝની મહિલા ટીમ વચ્ચે પ્રથમ વનડે મેચ રમાશે
વડોદરાના ઈન્ટરનેશનલ ક્રિકેટ સ્ટેડિયમમાં 22 ડિસેમ્બરથી ભારત અને વેસ્ટઈન્ડિઝ વચ્ચે મહિલા ટીમની 3 ક્રિકેટ મેચ રમાશે. આ પહેલા ભારતે વેસ્ટઈન્ડિઝને 3 મેચની ટી20 સીરિઝમાં 2-1થી હાર આપી છે.
ભારત અને વેસ્ટઈન્ડિઝની મહિલા ટીમ વચ્ચે 3 મેચની વનડે સીરિઝ 22 ડિસેમ્બર એટલે કે, આજે રવિવારથી વડોદરાના કોટાંબી ક્રિકેટ સ્ટેડિયમમાં શરુ થશે. આ પહેલા ભારતે વેસ્ટઈન્ડિઝને 3 મેચની ટી20 સીરિઝમાં 2- 1થી હાર આપી હતી. હવે ટીમ ઈન્ડિયા વનડે સીરિઝ પોતાને નામ કરવા માંગશે.
ભારત અને વેસ્ટઈન્ડિઝની મહિલા ટીમ વનડેમાં 26 વખત એકબીજાનો સામનો કર્યો હતો. જેમાં ભારતે 21 વખત જીત મેળવી છે, જ્યારે વેસ્ટઈન્ડિઝે 5 વખત જીત મેળવી છે. ભારતે 2013માં બંન્ને વચ્ચે રમાયેલી છેલ્લી 9 વનડેમાં 8 મેચમાં જીત મેળવી હતી.
ભારત અને વેસ્ટઈન્ડિઝ વચ્ચે વનડે સીરિઝની પહેલી મેચ 22 ડિસેમ્બરના રોજ , બીજી મેચ 24 ડિસેમ્બરના રોજ અને છેલ્લી અને ત્રીજી મેચ 27 ડિસેમ્બરના રોજ રમાશે.
આ તમામ મેચ વડોદરાના કોટાંબી ક્રિકેટ સ્ટેડિયમમાં રમાશે. આ 3 મેચની વનડે સીરિઝી પહેલી અને બીજી મેચનો સમય ભારતીય સમયઅનુસાર બપોરના 1 : 30 કલાકનો રહેશે. જ્યારે ત્રીજી અને છેલ્લી મેચ સવારે 9 : 30 કલાકથી રમાશે.
મુંબઈના રિલાયન્સ સ્ટેડિયમ પછી કોટામ્બી સ્ટેડિયમ ભારતનું બીજું સ્ટેડિયમ છે જેમાં 400 LED બલ્બ લગાવવામાં આવ્યા છે. જેમાં ડે નાઈટ મેચ માટે 4 મોટી ફ્લડ લાઈટ લગાવવામાં આવી છે. જેમાં 400 એલઈડી બલ્બ લગાવવામાં આવ્યા છે.
Published On - 1:52 pm, Sun, 22 December 24