ટેસ્ટ ક્રિકેટમાં 5 વિકેટ લેનાર સૌપ્રથમ ભારતીય બોલર કોણ છે ? 1932માં રચ્યો હતો ઈતિહાસ
માનવ સુથારની ટેસ્ટ કારકિર્દીની શાનદાર શરૂઆત જોઈને આજે તેની ચર્ચા દરેક જગ્યાએ થઈ રહી છે. જોકે, ભારતીય ટેસ્ટ ક્રિકેટના ઇતિહાસમાં એક બોલરે આ સિદ્ધિનો પાયો દાયકાઓ પહેલાં નાખ્યો હતો. ડેબ્યૂ ટેસ્ટમાં જ પાંચ વિકેટ લઈને તેણે એવો રેકોર્ડ બનાવ્યો હતો, જે ભારતીય ક્રિકેટ માટે ઐતિહાસિક ક્ષણ બની ગયો.
ભારત માટે ટેસ્ટ ક્રિકેટમાં પાંચ વિકેટ લેનાર પ્રથમ બોલર મોહમ્મદ નિસાર હતા. તેમણે આ સિદ્ધિ 25 જૂન, 1932ના રોજ લોર્ડ્સ ખાતે ઈંગ્લેન્ડ સામે પોતાના ટેસ્ટ ડેબ્યૂમાં મેળવી હતી.
આ મેચની પ્રથમ ઇનિંગમાં નિસારે શાનદાર બોલિંગ કરતાં 93 રન આપીને પાંચ વિકેટ ઝડપી હતી. આ સાથે તેઓ ટેસ્ટ ક્રિકેટમાં પાંચ વિકેટ લેનાર પ્રથમ ભારતીય બોલર બન્યા હતા.
નિસારે માત્ર વિદેશી મેદાન પર જ નહીં, પરંતુ ઘરઆંગણે પણ પોતાની બોલિંગનો દમ બતાવ્યો હતો. ડિસેમ્બર 1933માં તેમણે ભારતમાં ઈંગ્લેન્ડ સામે પોતાની પ્રથમ હોમ ટેસ્ટ મેચ રમી હતી.
આ મેચની પ્રથમ ઇનિંગમાં પણ નિસારનું પ્રદર્શન યાદગાર રહ્યું હતું. તેમણે 90 રન આપીને પાંચ વિકેટ ઝડપી હતી. આ રીતે તેઓ ઘરઆંગણે અને વિદેશમાં ટેસ્ટ ડેબ્યૂમાં પાંચ વિકેટ લેનાર પ્રથમ ભારતીય બન્યા હતા.
ભારતીય ક્રિકેટમાં નિસારનું યોગદાન ઐતિહાસિક છે. આજે માનવ સુથાર જેવા યુવા બોલરો શાનદાર શરૂઆત કરી રહ્યા છે, ત્યારે નિસારનો આ રેકોર્ડ ભારતીય ટેસ્ટ ક્રિકેટના શરૂઆતના યુગની યાદ અપાવે છે. (PC:cricbuzz/pinterest/espn)
