IND vs NZ : વોશિંગ્ટન સુંદરના કારણે ટીમ ઈન્ડિયા સસ્તામાં થઈ ઓલઆઉટ, મિચેલ સેન્ટનરે કર્યો મોટો ખુલાસો
પુણે ટેસ્ટમાં ટીમ ઈન્ડિયા 156 રનમાં ઓલઆઉટ થઈ ગઈ હતી. ન્યુઝીલેન્ડના લેફ્ટ આર્મ સ્પિનર મિચેલ સેન્ટનર સામે ભારતીય બેટ્સમેનો ભાંગી પડ્યા હતા. તેણે પ્રથમ દાવમાં 7 વિકેટ ઝડપી હતી. તેણે આ સફળતાનું રહસ્ય જાહેર કર્યું છે.
સેન્ટનરે કહ્યું કે આખી ઈનિંગ દરમિયાન તે સુંદરની જેમ જ યોગ્ય એંગલ અને પેસ પર બોલ નાખવાનો પ્રયાસ કરી રહ્યો હતો. તે બોલની સ્પીડ 90 સુધી રાખવાનો પ્રયાસ કરી રહ્યો હતો. જેમ-જેમ રમત આગળ વધતી ગઈ તેમ-તેમ તેણે ગતિ પણ બદલી. જેના કારણે તેને સફળતા મળી અને તે પોતાની ટીમને 103 રનની લીડ અપાવવામાં સફળ રહ્યો.
ભારતીય ટીમે બીજા દિવસની શરૂઆત 1 વિકેટના નુકસાન સાથે કરી હતી. ટીમને બીજો ફટકો 50ના સ્કોર પર લાગ્યો હતો. સેન્ટનરે શુભમન ગિલને આઉટ કરીને પોતાનું ખાતું ખોલાવ્યું હતું. આ પછી તે અટક્યો નહીં. તેણે વિરાટ કોહલી અને સરફરાઝ ખાન સહિત કુલ 7 વિકેટ લીધી હતી.
આ સાથે સેન્ટનરે તેની ટેસ્ટ કારકિર્દીમાં પ્રથમ 5 વિકેટ લેવાની સિદ્ધિ પણ હાંસલ કરી હતી. આટલું જ નહીં, તે ભારતમાં ન્યુઝીલેન્ડ માટે સર્વશ્રેષ્ઠ પ્રદર્શનના મામલે ત્રીજો બોલર પણ બની ગયો છે. અગાઉ 2021માં એજાઝ પટેલે 119 રન આપીને 10 વિકેટ લીધી હતી. જ્યારે 1976માં રિચર્ડ હેડલીએ 23 રન આપીને 7 વિકેટ લીધી હતી. હવે સેન્ટનરે 53 રનમાં 7 વિકેટ લીધી છે. (All photo Credit : PTI / GETTY )
Published On - 9:28 pm, Fri, 25 October 24
