IND vs ENG: લીડ્સમાં ટીમ ઈન્ડિયાને મળ્યા સારા સમાચાર, શું 23 વર્ષની રાહનો આવશે અંત?
ભારત માટે ઈંગ્લેન્ડમાં ટેસ્ટ શ્રેણી જીતવી ખૂબ જ મુશ્કેલ મિશન છે. આ શ્રેણી 20 જૂનથી શરૂ થઈ રહી છે. પહેલી મેચ લીડ્સના હેડિંગ્લી મેદાન પર રમાશે. આ મેચ પહેલા ટીમ ઈન્ડિયાને એક મોટા ખુશખબર મળ્યા છે, જાણો શું છે મામલો?
લીડ્સમાં તાપમાન 27-28 ડિગ્રી રહેશે, તેનો અર્થ એ છે કે જેમ-જેમ મેચ આગળ વધશે તેમ તેમ પિચ સપાટ રહેશે. હવે જો પિચ સપાટ હશે, તો ટીમ ઈન્ડિયાના બેટ્સમેનો માટે આ સારા સમાચાર છે. ભારતીય બેટ્સમેન ઘણીવાર ઈંગ્લેન્ડ, ઓસ્ટ્રેલિયા, દક્ષિણ આફ્રિકાની પિચો પર નિષ્ફળ જાય છે, પરંતુ જો લીડ્સની પિચ સારી હશે તો ભારતીય બેટ્સમેનોનું પ્રદર્શન પણ સુધરી શકે છે.
ટીમ ઈન્ડિયા માટે લીડ્સ ટેસ્ટ જીતવી મહત્વપૂર્ણ છે કારણ કે આ શ્રેણીની પહેલી મેચ છે અને જો તે અહીં જીતશે તો ટીમનો આત્મવિશ્વાસ અને લીડ બંને વધશે. અહીં મોટી વાત એ છે કે ભારતે છેલ્લે 23 વર્ષ પહેલા આ મેદાન પર જીત મેળવી હતી. ટીમ ઈન્ડિયાએ આ સિદ્ધિ 2002માં સૌરવ ગાંગુલીની કેપ્ટનશીપમાં કરી હતી. ભારતીય ટીમે આ મેદાન પર 7 મેચ રમી છે અને ફક્ત 2 મેચ જીતી છે, 4 મેચ હારી છે જ્યારે એક મેચ ડ્રો રહી છે.
આ વખતે ભારતીય ટીમ માટે પડકાર એ છે કે વિરાટ કોહલી અને રોહિત શર્મા જેવા અનુભવી ખેલાડીઓ હવે ટીમમાં નથી. બંનેએ ટેસ્ટ ક્રિકેટને અલવિદા કહી દીધું છે. આ વખતે ટીમની કમાન શુભમન ગિલના હાથમાં છે, ટીમની બેટિંગ એકદમ બિનઅનુભવી લાગે છે. હવે જોવાનું એ છે કે તેઓ ઈંગ્લેન્ડના બોલરોનો સામનો કેવી રીતે કરે છે? (All Photo Credit : PTI/Instagram/X)
Published On - 10:51 pm, Tue, 17 June 25
