22 વર્ષ, 7880 દિવસ, 401 મેચ, 991 વિકેટ, ઐતિહાસિક આંકડાઓ સાથે સમાપ્ત થઈ દિગ્ગજની કારકિર્દી
જેમ્સ એન્ડરસને આંતરરાષ્ટ્રીય ક્રિકેટને અલવિદા કહી દીધું છે. તેણે તેની આંતરરાષ્ટ્રીય કારકિર્દીની છેલ્લી મેચ વેસ્ટ ઈન્ડિઝ સામે લોર્ડ્સમાં રમી હતી. આ મેચમાં તેણે કુલ 4 વિકેટ પોતાના નામે કરી હતી. 22 વર્ષની શાનદાર સફળ કારકિર્દીમાં એન્ડરસને કુલ 991 વિકેટ ઝડપી હતી. એન્ડરસનના આ ઐતિહાસિક આંકડાઓ તેની પ્રતિભા અને મહાનતાને દર્શાવે છે. આખરે 7880 દિવસ બાદ તેની યાદગાર ક્રિકેટ કારકિર્દીનો જીત સાથે અંત આવ્યો છે.
4 / 5
જેમ્સ એન્ડરસને તેની ટેસ્ટ કારકિર્દીમાં 40,000 થી વધુ બોલ ફેંક્યા હતા. તે ટેસ્ટ ક્રિકેટના ઈતિહાસમાં તેની છેલ્લી મેચ દરમિયાન 40,000 કે તેથી વધુ બોલ ફેંકનાર પ્રથમ ઝડપી બોલર બન્યો હતો. આ મેચ દરમિયાન એન્ડરસને તેની આંતરરાષ્ટ્રીય કારકિર્દીનો 50,000મો બોલ પણ ફેંક્યો હતો. તમને જણાવી દઈએ કે, આ કારનામું કરનાર તે વિશ્વનો એકમાત્ર ઝડપી બોલર છે.
5 / 5
ટેસ્ટ સિવાય જેમ્સ એન્ડરસને ઈંગ્લેન્ડ તરફથી ODIમાં પણ શાનદાર પ્રદર્શન કર્યું હતું. તેણે ઈંગ્લેન્ડ માટે 194 ODI મેચોમાં 29.22ની એવરેજથી 269 વિકેટ લીધી હતી. ODIમાં તેણે બે વખત ઈનિંગ્સમાં 5 વિકેટ લેવાની સિદ્ધિ હાંસલ કરી હતી. આ સિવાય એન્ડરસને ઈંગ્લેન્ડ માટે 19 T20 મેચ પણ રમી હતી. આ સમયગાળા દરમિયાન તેણે 7.84ની ઈકોનોમી સાથે 18 વિકેટ ઝડપી હતી.
