Duleep Troph: વાઈસ-કેપ્ટન હોવા છતાં વૈભવ સૂર્યવંશીને ઓછા પૈસા મળ્યા, જાણો ઈસ્ટ ઝોનના ખેલાડીઓનો કેટલો છે પગાર
ઈસ્ટ ઝોને દુલીપ ટ્રોફીનો ખિતાબ પોતાના નામે કર્યો છે. ટ્રોફી જીત્યા બાદ હવે ટીમના ખેલાડીઓને મળતી મેચ ફી ચર્ચામાં આવી છે. ખાસ વાત એ છે કે ટીમના વાઈસ-કેપ્ટન વૈભવ સૂર્યવંશીને અન્ય કેટલાક ખેલાડીઓની સરખામણીએ ઓછા પૈસા મળે છે. ઈસ્ટ ઝોનના કયા ખેલાડીને કેટલી મેચ ફી મળે છે અને વૈભવના મામલે એવું કેમ છે? જાણો સંપૂર્ણ ગણિત.
ઈસ્ટ ઝોન દુલીપ ટ્રોફીમાં ચેમ્પિયન બન્યું. ટોફી જીત્યા બાદ ઈસ્ટ ઝોનના ખેલાડીઓને કેટલો પગાર મળે છે તેને લઈ ચર્ચા શરૂ થઈ ત્યારે એક વાત સામે આવી કે ટીમના વાઈસ કેપ્ટન વૈભવ સૂર્યવંશીને ઓછો પગાર મળ્યો છે.
ખેલાડીઓના પગારમાં તેમની મેચ ફીનો સમાવેશ થાય છે. BCCIએ આ માટે ત્રણ માપદંડો નક્કી કર્યા છે. પહેલી શ્રેણીમાં એવા ખેલાડીઓનો સમાવેશ થાય છે જેમણે 41 કે તેથી વધુ ફર્સ્ટ-ક્લાસ મેચ રમી છે. બીજી શ્રેણીમાં એવા ખેલાડીઓનો સમાવેશ થાય છે જેમણે 21 થી 40 ફર્સ્ટ-ક્લાસ મેચ રમી છે, અને ત્રીજી શ્રેણીમાં 0 થી 20 ફર્સ્ટ-ક્લાસ મેચનો અનુભવ ધરાવતા ખેલાડીઓનો સમાવેશ થાય છે.
હવે, દરેક શ્રેણીના ખેલાડીઓ કેટલી કમાણી કરે છે તે જોઈને, તમે સમજી શકશો કે વૈભવને અન્ય કરતા ઓછા પૈસા કેમ મળે છે. 41 કે તેથી વધુ ફર્સ્ટ-ક્લાસ મેચ રમનારા ખેલાડીઓને દરરોજ ₹60,000 મળે છે. 21 થી 40 ફર્સ્ટ-ક્લાસ મેચ રમનારાઓને દરરોજ ₹50,000 મળે છે, જ્યારે 0 થી 20 ફર્સ્ટ-ક્લાસ મેચ રમનારાઓને ₹40,000 મળે છે.
ઈસ્ટ ઝોનની ફાઇનલ પ્લેઇંગ ઇલેવનમાં સમાવિષ્ટ ખેલાડીઓની વાત કરીએ તો, વૈભવ સૂર્યવંશી, શિખર મોહન અને મોહમ્મદ કુનૈન કુરેશીને 0 થી 20 ફર્સ્ટ-ક્લાસ મેચનો અનુભવ છે. આનો અર્થ એ થયો કે ઈસ્ટ ઝોનના આ ત્રણ ખેલાડીઓને દરરોજ ₹40,000 પગાર મળતો હતો.
દુલીપ ટ્રોફી ફાઇનલ પ્લેઇંગ ઇલેવનમાં સમાવિષ્ટ બાકીના આઠ ઈસ્ટ ઝોન ખેલાડીઓમાંથી, સાત ખેલાડીઓ- અભિમન્યુ ઈશ્વરન, સુદીપ કુમાર ઘરામી, ઇશાન કિશન, મોહમ્મદ શમી, અનુકુલ રોય, અભિજીત સરકાર અને મુકેશ કુમાર - ને દરરોજ ₹60,000 પગાર મળ્યો. જ્યારે એક ખેલાડી કુમાર કુશાગ્રને દરરોજ ₹50,000 પગાર મળ્યો. (PC:PTI)
