વર્લ્ડ કપની ક્લોઝિંગ સેરેમનીમાં ધમાલ મચાવનાર દુઆ લિપા એક ઈવેન્ટ માટે 5 થી 6 કરોડ રૂપિયા ફી લે છે
તમને જણાવી દઈએ કે સોશિયલ મીડિયા પર એવા અહેવાલો પણ સામે આવી રહ્યા છે કે દુઆ લિપા વર્લ્ડ કપની ક્લોઝિંગ સેરેમનીમાં પરફોર્મ કરતી જોવા મળશે, દુનિયાભરમાં લિપાના ચાહકો મોટી સંખ્યામાં છે. લીપાના ભારત આવવાના સમાચાર સામે આવતા જ સોશિયલ મીડિયા પર લિપા ટ્રેન્ડ થઈ રહી છે.જાણો કોણ છે દુઆ લિપા.
દુઆ લિપા અલ્બેનિયન મૂળની બ્રિટિશ ગાયિકા છે. તેણે મોડલિંગ પણ કર્યું છે અને પોતાના ગીતો પણ લખ્યા છે. લોકો માત્ર તેના અવાજની પ્રશંસા કરે છે એટલું જ નહીં, તેની સુંદરતા અને સ્ટાઈલ પાછળ પણ ચાહકો પ્રેમ વરસાવે છે.
લિપાએ ખૂબ જ નાની ઉંમરે મ્યુઝિકની કારકિર્દી શરૂ કરી હતી. 14 વર્ષની ઉંમરે તે યુટ્યુબ પર ગીતો ગાતી અને અપલોડ કરતી હતી. વર્ષ 2015માં, દુઆને તેની પ્રથમ મોટી ઓફર મળી. તેને વોર્નર મ્યુઝિક ગ્રુપે સાઈન કર્યો હતો.
આ પછી દુઆએ પાછું વળીને જોયું નથી. એક બાદ હિટ પરફોર્મન્સ આપી રહી છે.લિપાની આટલી મોટી સફળતા પાછળ તેની મહેનત છે. માત્ર 15 વર્ષની ઉંમરમાં જ સિંગર બનવા માટે લિપા લંડન પહોંચી હતી.
તમને જણાવી દઈએ કે દુઆ એક ઈન્ટરનેશનલ સેલિબ્રિટી છે અને 28 વર્ષની ઉંમરે તેણે દુનિયાભરમાં ઓળખ મેળવી છે. આ જ કારણ છે કે વર્લ્ડ કપ ઈવેન્ટમાં તેનું પ્રદર્શન ઘણું મોંઘું પડી શકે છે. મીડિયા રિપોર્ટ્સ અનુસાર, દુઆ એક ઈવેન્ટ માટે 5 થી 6 કરોડ રૂપિયા ફી લે છે પરંતુ તેની ફી અંગે કોઈ પુષ્ટિ કરવામાં આવી નથી.
Published On - 3:07 pm, Fri, 17 November 23
