રણજી ટ્રોફીમાં રમતા ક્રિકેટરોને કેટલો પગાર મળે છે ? એક દિવસની ફી જાણીને ચોંકી જશો
રણજી ટ્રોફી ભારતની સૌથી પ્રતિષ્ઠિત ઘરેલુ ક્રિકેટ ટુર્નામેન્ટમાંની એક છે. આ ટુર્નામેન્ટમાં રમતા ખેલાડીઓની મહેનતની સાથે તેમની કમાણી પણ ચર્ચાનો વિષય બને છે. પરંતુ મેદાન પર ઉતરતા ખેલાડીઓને ખરેખર કેટલી રકમ મળે છે અને તેમની ફી કેવી રીતે નક્કી થાય છે? ચાલો જાણીએ.
ભારતમાં ક્રિકેટ માત્ર આંતરરાષ્ટ્રીય મેચો કે IPL પૂરતું સીમિત નથી. રણજી ટ્રોફી જેવી ઘરેલુ ટુર્નામેન્ટમાંથી પણ અનેક ખેલાડીઓ પોતાની ઓળખ બનાવે છે અને ટીમ ઈન્ડિયામાં સ્થાન મેળવવાનું સપનું જુએ છે.
રણજી ટ્રોફીમાં રમતા ક્રિકેટરોને દર મહિને નિશ્ચિત પગાર મળતો નથી, પરંતુ મેચ ફીના આધારે કમાણી થાય છે. ખેલાડીનો અનુભવ અને તેણે અગાઉ રમેલી મેચોની સંખ્યા પ્રમાણે ફી નક્કી થાય છે.
ભારતીય ક્રિકેટ કંટ્રોલ બોર્ડ (BCCI) ઘરેલુ ક્રિકેટરોને મેચ ફી ચૂકવે છે. રણજી ટ્રોફીમાં આ ફી ખેલાડીએ અગાઉ કેટલી મેચ રમી છે અને તે પ્લેઇંગ ઇલેવનમાં છે કે રિઝર્વ ખેલાડી છે તેના આધારે નક્કી થાય છે.
20 કે તેથી ઓછી મેચ રમેલા ખેલાડીને પ્લેઇંગ ઇલેવનમાં સ્થાન મળે તો દરરોજ ₹40,000 ચૂકવવામાં આવે છે.
21થી 40 મેચ રમેલા ખેલાડીને દરરોજ ₹50,000, જ્યારે 40થી વધુ મેચ રમેલા ખેલાડીને દરરોજ ₹60,000 મળે છે.
પ્લેઇંગ ઇલેવનની બહાર રહેલા રિઝર્વ ખેલાડીઓને પણ ફી મળે છે. 20 કે તેથી ઓછી મેચ માટે ₹20,000, 21થી 40 મેચ માટે ₹25,000 અને 40થી વધુ મેચ માટે ₹30,000 પ્રતિદિન ચૂકવાય છે.
20 કે તેથી ઓછી મેચ રમેલો ખેલાડી ચાર દિવસની મેચમાં પ્લેઇંગ ઇલેવનમાં હોય તો કુલ ₹1.60 લાખ કમાઈ શકે છે.
40થી વધુ મેચ રમેલો અનુભવી ખેલાડી ચાર દિવસની મેચમાં રમે તો તેની મેચ ફી ₹2.40 લાખ થાય છે.
ખેલાડીની સિઝનની કુલ કમાણી તે કેટલી મેચ રમે છે અને પ્લેઇંગ ઇલેવનમાં કેટલી વાર સ્થાન મેળવે છે તેના પર આધાર રાખે છે. તેથી દરેક ખેલાડીની કમાણી સરખી હોતી નથી.
રણજી ટ્રોફીની આ રકમ વાર્ષિક કે માસિક પગાર નથી. ખેલાડીઓને રમેલી મેચના દિવસો અને તેમના અનુભવના આધારે ફી મળે છે. આ વ્યવસ્થા ઘરેલુ ક્રિકેટરોને તેમની મહેનતનું વળતર આપે છે. (PC:PTI/X)
Published On - 6:06 pm, Mon, 19 October 26
