Breaking News: 22 વર્ષ 148 દિવસ… 40 વર્ષના ખેલાડીએ સૌથી લાંબી ODI કારકિર્દીનો સચિન તેંડુલકરનો વર્લ્ડ રેકોર્ડ તોડ્યો
વનડે ક્રિકેટમાં સૌથી લાંબી કારકિર્દીનો સચિન તેંડુલકરનો વર્લ્ડ રેકોર્ડ હવે તૂટી ગયો છે. 40 વર્ષીય ખેલાડીએ ઓસ્ટ્રેલિયા સામે મેદાનમાં ઉતરતાની સાથે જ ઇતિહાસ રચ્યો હતો. તેની ODI કારકિર્દી 22 વર્ષ અને 148 દિવસની થઈ ગઈ છે. આ સાથે તેણે સચિનનો 22 વર્ષ અને 91 દિવસનો રેકોર્ડ પાછળ છોડી દીધો છે.
ઝિમ્બાબ્વે vs ઓસ્ટ્રેલિયા મેચમાં ઝિમ્બાબ્વેના બ્રેન્ડન ટેલરે મેદાનમાં ઉતરતાજ સચિન તેંડુલકરનો મોટો રેકોર્ડ તોડી નાખ્યો હતો.
બ્રેન્ડન ટેલરે વનડે ક્રિકેટમાં સૌથી લાંબી કારકિર્દીનો સચિન તેંડુલકરનો રેકોર્ડ તોડીને ખાસ સિદ્ધિ હાંસલ કરી હતી.
બ્રેન્ડન ટેલરે 2004માં માત્ર 18 વર્ષની ઉંમરે શ્રીલંકા સામે વનડે ડેબ્યૂ કર્યું હતું. બુલાવાયોથી શરૂ થયેલી તેની સફર હવે હરારેમાં 22 વર્ષ અને 148 દિવસ સુધી પહોંચી છે.
સચિન તેંડુલકરે 22 વર્ષ અને 91 દિવસ સુધી વનડે ક્રિકેટ રમી હતી. ટેલરે આ આંકડો પાર કરીને પુરુષોની વનડે ક્રિકેટમાં સૌથી લાંબી કારકિર્દીનો નવો રેકોર્ડ બનાવ્યો.
ટેલરની કારકિર્દી જોકે સરળ રહી નથી. તેણે 2021માં નિવૃત્તિ જાહેર કરી હતી અને ત્યારબાદ ICCના પ્રતિબંધનો સામનો કરવો પડ્યો હતો.
તમામ મુશ્કેલીઓ બાદ ટેલરે 2025માં આંતરરાષ્ટ્રીય ક્રિકેટમાં વાપસી કરી હતી. વાપસી બાદ હવે તેણે પોતાના નામે વધુ એક ઐતિહાસિક સિદ્ધિ નોંધાવી છે.
ઝિમ્બાબ્વે માટે ટેલરે વનડેમાં શાનદાર બેટિંગ કરી છે. તેના નામે દેશ માટે સૌથી વધુ 11 વનડે સદીનો રેકોર્ડ પણ નોંધાયેલો છે.
40 વર્ષની ઉંમરે પણ ટેલરની ફિટનેસ અને ચપળતા જોવા મળી હતી. ઓસ્ટ્રેલિયાના જોશ ઇંગ્લિસનો અદ્ભુત ડાઇવિંગ કેચ પકડીને તેણે સાબિત કર્યું કે અનુભવ સાથે તેની મેદાની અસરકારકતા પણ યથાવત છે. (PC:PTI/X)
Published On - 6:10 pm, Tue, 15 September 26
