Breaking News: ઓસ્ટ્રેલિયન અમ્પાયરની રણજી ટ્રોફીમાં એન્ટ્રી, ભારત-ઓસ્ટ્રેલિયાએ શરૂ કર્યો ખાસ પ્રોગ્રામ
ભારત અને ઓસ્ટ્રેલિયાએ અમ્પાયરિંગનું સ્તર સુધારવા માટે ખાસ એક્સચેન્જ પ્રોગ્રામ શરૂ કર્યો છે. આ અંતર્ગત ઓસ્ટ્રેલિયાનો બેન ટ્રેલોર ભારતમાં રણજી ટ્રોફીની બે મેચમાં અમ્પાયરિંગ કરશે, જ્યારે ભારતીય અમ્પાયર પરાશર જોશી ઓસ્ટ્રેલિયામાં ત્રણ ઘરેલુ મેચમાં જવાબદારી સંભાળશે. આ કાર્યક્રમથી બંને દેશના અમ્પાયરોને નવી પરિસ્થિતિઓમાં કામ કરવાનો અનુભવ મળશે.
ભારત અને ઓસ્ટ્રેલિયાએ અમ્પાયરિંગનું સ્તર સુધારવા માટે ખાસ એક્સચેન્જ પ્રોગ્રામ શરૂ કર્યો છે. બેન ટ્રેલોર ભારતમાં રણજી ટ્રોફીની બે મેચમાં અમ્પાયરિંગ કરશે.
બેન ટ્રેલોર 18થી 21 ઓક્ટોબર દરમિયાન દિલ્હી અને ગુજરાત વચ્ચેની મેચમાં અમ્પાયરિંગ કરશે. ત્યારબાદ 26થી 29 ઓક્ટોબર દરમિયાન મુંબઈ અને હરિયાણા વચ્ચેની મેચમાં ફરજ બજાવશે.
આ કાર્યક્રમના ભાગરૂપે ભારતીય અમ્પાયર પરાશર જોશી ઓસ્ટ્રેલિયા જશે. તે ત્યાં બે શેફિલ્ડ શીલ્ડ અને એક વન ડે કપ મેચમાં અમ્પાયરિંગ કરશે.
બેન ટ્રેલોરને ઘરેલુ ક્રિકેટમાં અમ્પાયરિંગનો સારો અનુભવ છે. તે અત્યાર સુધી 30 ફર્સ્ટ ક્લાસ અને 20 લિસ્ટ A મેચમાં અમ્પાયરિંગ કરી ચૂક્યો છે.
બેન ટ્રેલોરે બિગ બેશ લીગની 39 મેચમાં પણ અમ્પાયર તરીકે જવાબદારી સંભાળી છે. આ ઉપરાંત, તેઓ બે મહિલા વનડે અને ચાર મહિલા T20 આંતરરાષ્ટ્રીય મેચમાં અમ્પાયરિંગ કરી ચૂક્યો છે.
મેદાન પરની જવાબદારી ઉપરાંત બેન ટ્રેલોર ક્રિકેટ ન્યૂ સાઉથ વેલ્સમાં અમ્પાયર એજ્યુકેશન ઓફિસર તરીકે કામ કરે છે. તે નવા અમ્પાયરોને તાલીમ અને માર્ગદર્શન આપે છે.
અમ્પાયરિંગના શિક્ષણ ક્ષેત્રે યોગદાન બદલ બેન ટ્રેલોરને ન્યૂ સાઉથ વેલ્સ ક્રિકેટ અમ્પાયર્સ એન્ડ સ્કોરર્સ એસોસિએશન તરફથી ચાર વખત જ્યોર્જ બોરવિક મેમોરિયલ એવોર્ડ મળ્યો છે.
આ એક્સચેન્જ પ્રોગ્રામથી બંને દેશના અમ્પાયરોને અલગ પરિસ્થિતિઓ અને ક્રિકેટ માળખામાં કામ કરવાની તક મળશે. સાથે જ અમ્પાયરિંગની કુશળતા અને અનુભવમાં વધારો કરવાનો હેતુ છે. (PC:PTI/X)
Published On - 4:59 pm, Tue, 20 October 26
