IND vs NZ : ન્યૂઝીલેન્ડ સામે હાર્યા બાદ ટીમ ઈન્ડિયાએ લીધો મોટો નિર્ણય, 3 વર્ષ બાદ આ સ્ટાર ખેલાડીની એન્ટ્રી
ભારત અને ન્યુઝીલેન્ડની ટીમ વચ્ચે સીરિઝની બીજી મેચ 24 ઓક્ટોબરથી રમાશે. પહેલાથી જ ટીમ ઈન્ડિયાના સ્કવોડમાં એક સ્ટાર ઓલરાઉન્ડરની એન્ટ્રી થઈ છે. આ ખેલાડી 3 વર્ષ બાદ ભારતીય ટેસ્ટ ટીમનો ભાગ બનશે.
ટીમ ઈન્ડિયા માટે ન્યુઝીલેન્ડ સામેની ટેસ્ટ સીરિઝ ખુબ ખરાબ રહી છે. ભારતીય ટીમને સીરિઝની પહેલી મેચ 8 વિકેટથી હારનો સામનો કરવો પડ્યો છે. આ મેચની પહેલી ઈનિગ્સમાં ટીમ ઈન્ડિયાની બેટિંગ ફ્લોપ રહી હતી. તો બોલર પણ કાંઈ ખાસ પ્રદર્શન કરી શક્યા ન હતી.
સીરિઝની આગામી મેચ પહેલા ટીમ ઈન્ડિયાએ એક મોટો નિર્ણય લીધો છે. ભારતીય ટીમના સ્કવોડમાં એક ઓલરાઉન્ડરની એન્ટ્રી થઈ છે. ટેસ્ટ સીરિઝની છેલ્લી 2 મેચમાં સ્ટાર ઓલરાઉન્ડર વોશિંગ્ટન સુંદરને સામેલ કરવામાં આવ્યો છે. વોશિગ્ટન સુંદરે ટીમ ઈન્ડિયા માટે છેલ્લી ટેસ્ટ મેચ વર્ષ 2021માં રમી હતી.
વોશિંગ્ટન સુંદરે અત્યારસુધી કુલ 4 ટેસ્ટ મેચ રમી છે. આ દરમિયાન તેમણે 6 ઈનિગ્સમાં 3 અડધી સદી ફટકારી છે. આ સિવાય 6 વિકેટ પણ લીધી છે. હાલમાં રણજી ટ્રોફીમાં વોશિગ્ટન સુંદરે શાનદાર પ્રદર્શન કર્યું હતુ. પહેલી ઈનિગ્સમાં સદી ફટકારી હતી.
વોશિગ્ટન સુંદરને હાલમાં બાંગ્લાદેશ વિરુદ્ધ રમાયેલી ટી20 સીરિઝમાં પણ તક મળી હતી. તે પહેલા શ્રીલંકાના પ્રવાસમાં વનડે ટીમનો ભાગ હતો. વોશિગ્ટન સુંદરે ટીમ ઈન્ડિયા માટે અત્યારસુધી 22 વનડે અને 52 ટી20 મેચ રમી છે. વનડેમાં તેમણે 23 વિકેટ લીધી છે.
હવે આપણે છેલ્લી 2 ટેસ્ટ માટે ટીમ ઈન્ડિયાનો સ્કવોડ જોઈએ તો. રોહિત શર્મા, જસપ્રીત બુમરાહ, યશસ્વી જ્યસ્વાલ, શુભમન ગિલ, વિરાટ કોહલી, કેએલ રાહુલ, સરફરાઝ ખાન, રિષભ પંત, ધ્રુવ જુરેલ,રવિચંદ્રન અશ્વિન, જાડેજા, અક્ષર પટેલ,કુલદીપ યાદવ, મોહમ્મદ સિરાજ, આકાશ દીપ, વોશિગ્ટન સુંદર