Panki Recipe : ગુજરાતની ટ્રેડિશનલ અને વિસરાતી વાનગી પાનકી ઘરે બનાવો, આ રહી રેસીપી, જુઓ તસવીરો
આપણા દેશમાં અલગ અલગ વિસ્તારોમાં જુદી જુદી વાનગીઓ બનાવવામાં આવતી હોય છે. ગુજરાતમાં પણ અનેક વાનગીઓ ખૂબ જ પ્રખ્યાત હોય છે. પરંતુ કેટલીક વિસરાતી વાનગીઓ હોય છે જે સ્વાદમાં અદભુત હોવા છતા તેની બનાવવામાં મુશ્કેલી થાય છે. તો આજે આપણે જોઈશું કે સરળતાથી પાનકી કેવી રીતે બનાવી શકાય.
પાનકી ગુજરાતની ટ્રેડિશનલ વાનગી છે. આ વાનગી ખૂબ જ સ્વાદિષ્ટ હોય છે. આ સાથે બનાવવામાં પણ ખૂબ સરળ છે. પાનકી બનાવવા માટે ચોખાનો ઝીણો લોટ, દહીં, મીઠું, કોથમરી સહિતની સામગ્રીની જરુર પડે છે.
પાનકી બનાવવા માટે સૌથી પહેલા ચોખાના લોટને ચાળી લો. ત્યાર બાદ તેમાં મીઠું, હીંગ, કોથમરી, આદુ- મરચાની પેસ્ટ ઉમેરી બરાબર મિક્સ કરી દો.
હવે આ મિશ્રણમાં દહીં ઉમેરી બરાબર મિક્સ કરો. જો મિશ્રણ વધારે ઘટ્ટ હોય તો તેમાં પાણી ઉમેરી સ્મૂધ ખીરુ તૈયાર કરી દો. ધ્યાન રાખો કે ખીરામાં ગાંઠ ન રહે.
હવે કેળાના પાનના ગોળ અથવા ચોરસ ટુકડા કરી દો. ત્યારે બાદ એક પેન પર કેળાનું પાન મુકી તેને ઘી અથવા તેલથી ગ્રીસ કરી લો. તેના પર આ ખીરુ પાથરી લો. તેના પર ફરી એક કેળાનું પાન મુકી દો.
ત્યાર બાદ ધીમી આંચ પર પાનકીને 5 થી 7 મીનીટ થવા દો.હવે આ ગરમા ગરમ પાનકીને ચટણી સાથે સર્વે કરી શકો છો. આ વાનગી ડિનર અથવા તો સવારના નાસ્તામાં પણ સેવન કરી શકો છો.