એક વખત તૂટી ચૂકી છે સગાઈ, રાજપૂત પરિવારમાં જન્મેલા વિદ્યુત જામવાલની એક્ટર બનવાની સફર આવી રહી
વિદ્યુત જામવાલનો જન્મ જમ્મુના રાજપૂત પરિવારમાં થયો હતો.તેઓ કાશ્મીરના રાજા ડોગરા રાજપૂત રાજા હરિ સિંહના વંશજ છે. તે એક્શન ફિલ્મોમાં તેની ભૂમિકાઓ માટે જાણીતો છે. તો આજે આપણે વિદ્યુત જામવાલના પરિવાર વિશે જાણીએ.
વિદ્યુત જામવાલના પરિવાર વિશે જાણીએ,
વિદ્યુત જામવાલનું નામ બોલિવૂડના સૌથી ફિટ અને હેન્ડસમ અભિનેતાઓમાં લેવામાં આવે છે. વિદ્યુત દર વર્ષે 10 ડિસેમ્બરે પોતાનો જન્મદિવસ ઉજવે છે. વિદ્યુત તેની શાનદાર ફિટનેસ અને ખતરનાક સ્ટંટના કારણે ચાહકોમાં ફેમસ છે. તો ચાલો આજે તેના પરિવાર વિશે જાણીએ.
વિદ્યુત જામવાલનો જન્મ જમ્મુ અને કાશ્મીર રાજપૂત પિતા અને મલયાલી માતાને ત્યાં થયો હતો. તે આર્મી ઓફિસરને ત્યાં જન્મેલા ત્રણ બાળકોમાંથી એક છે. તે ત્રણ વર્ષનો હતો ત્યારથી તેમણે માર્શલ આર્ટિસ્ટ સાથે વિવિધ તાલીમ લઈને ઘણા દેશોમાં પ્રવાસ કર્યો, જામવાલે 25 થી વધુ દેશોનો પ્રવાસ કર્યો, જ્યાં તેણે લાઈવ એક્શન શોમાં પરફોર્મ કર્યું છે.
વિદ્યુત દેવ સિંહ જામવાલનો જન્મ 10 ડિસેમ્બર 1980ના રોજ થયો છે. તે એક ભારતીય અભિનેતા, માર્શલ આર્ટિસ્ટ અને ફિલ્મ નિર્માતા છે જેઓ મુખ્યત્વે બોલિવુડ ફિલ્મોમાં કામ કરે છે. તે કલારીપયટ્ટુ (કાલરીપયટ્ટુ એક ભારતીય માર્શલ આર્ટ છે)ના અભ્યાસી પણ છે. તેઓ કમાન્ડો ફિલ્મમાં તેમની ભૂમિકાઓ માટે જાણીતા છે, અને એક ફિલ્મફેર પુરસ્કાર સહિત અનેક પુરસ્કારો મેળવ્યા છે.
તેણે સક્તિ સાથે તેની તેલુગુમાં ડેબ્યુ, ફોર્સ સાથે હિન્દી અને બિલ્લાસાથે તમિલમાં ડેબ્યુ કર્યું છે, આ બધી ફિલ્મોમાં નેગેટિવ ભૂમિકાઓ ભજવી હતી. તેમની પ્રથમ મુખ્ય ભૂમિકા સફળ ફિલ્મ કમાન્ડોમાં હતી. તે અંજાન, થુપ્પકી, બાદશાહો, કમાન્ડો 2, જંગલી, યારા, કમાન્ડો 3 અને સનક સહિતની વિવિધ ફિલ્મોમાં જોવા મળ્યો હતો.
જામવાલે જ્હોન અબ્રાહમ અભિનીત 2011ની ફિલ્મ ફોર્સથી બોલિવૂડમાં પ્રવેશ કર્યો હતો, જે તમિલ ભાષાની ફિલ્મ કાખા કાખાની રિમેક છે. તેણે આ ફિલ્મમાં નેગેટિવ ભૂમિકા ભજવી હતી અને બેસ્ટ મેલ ડેબ્યૂ માટે ફિલ્મફેર એવોર્ડ સહિત અનેક શ્રેષ્ઠ ડેબ્યૂ એવોર્ડ્સ જીત્યા હતા.
2011માં એનટીઆર અભિનીત તેલુગુ-ભાષાની ફિલ્મો શક્તિ અને ઉસરાવેલ્લીમાં જામવાલ નેગેટિવ ભૂમિકામાં જોવા મળ્યો હતો. 2012માં જામવાલે તમિલ સિનેમામાં બિલ્લા II સાથે તેની શરૂઆત કરી. તે જ વર્ષે, તેણે અભિનેતા વિજયની સામે થુપ્પકીમાં વિરોધીની ભૂમિકા ભજવી હતી, જે બ્લોકબસ્ટર બની હતી
1 સપ્ટેમ્બર 2021ના રોજ વિદ્યુત જામવાલે ફેશન ડિઝાઇનર નંદિતા મહતાની સાથે તેની સગાઈની જાહેરાત કરી હતી. 2023માં જામવાલ અને મહતાનીએ તેમની સગાઈ તોડી નાખી હતી.
અભિનેતા વિદ્યુત જામવાલ અવનવા સ્ટંટના વીડિયો સોશિયલ મીડિયા પર પોસ્ટ કરતો હોય છે. તેમજ તેની ફિટનેસ વિશે પણ વીડિયો શેર કરે છે.