Fact Check: તારક મહેતાની ‘બબીતા જી’ એ ટપુ સાથે વડોદરામાં કરી લીધી સગાઈ? જાણો શું છે હકીકત
ટીવીનો લોકપ્રિય કોમેડી શો 'તારક મહેતા કા ઉલ્ટા ચશ્મા' હંમેશા TRP ચાર્ટમાં ટોપ 5માં રહે છે. જેઠાલાલ હોય કે બબીતા જી... આ શોના તમામ પાત્રો દર્શકોના દિલમાં વસી ગયા છે. હવે તેની સગાઈની ચર્ચા સોશિયલ મીડિયામાં થઈ રહી છે.
તારક મહેતા શોમાં બબીતા જીનું પાત્ર ભજવનાર મુનમુન દત્તા પણ અનેક વાર ચર્ચામાં રહે છે. ક્યારેક તેના રોલને કારણે તો ક્યારેક અંગત કારણોસર.
હાલમાં જ મુનમુન દત્તા વિશે એક ચોંકાવનારા સમાચાર સામે આવી રહ્યા છે. મળતી માહિતી મુજબ, અભિનેત્રીએ આ શોમાં ટપ્પુનું પાત્ર ભજવતા રાજ અનડકટ સાથે સગાઈ કરી લીધી છે.
સોશિયલ મીડિયામાં ચર્ચા થઈ રહી છે કે મુનમુન દત્તા અને રાજ અનડકટે વડોદરામાં પોતપોતાના પરિવારની હાજરીમાં સગાઈ કરી લીધી.
રાજ અને મુનમુનના અફેરના સમાચાર ઘણા સમયથી સામે આવી રહ્યા હતા. હવે એવી અફવા છે કે બંનેએ સગાઈ પણ કરી લીધી છે. જો કે આ અંગે બંને તરફથી હજુ સુધી કોઈ સત્તાવાર જાહેરાત કરવામાં આવી નથી.
એવા અહેવાલો છે કે શોમાં રાજની એન્ટ્રી પછી બંને મિત્રો બન્યા અને પછી પ્રેમ ખીલ્યો. જોકે, હવે રાજ શોમાં નથી. તેણે ઘણા સમય પહેલા આ શોને અલવિદા કહી દીધું છે.
બીજી તરફ મુનમુન દત્તાના સોર્સ દ્વારા જાણવા મળ્યું છે કે, આ સમાચાર ફેક છે. બંનેની સગાઈ અંગેની વાત પણ નકારી હતી.(Photo- Instagram, Viral Bhayani)
(નોંધ: આ આર્ટીકલ Fact Check કરવમાં આવ્યો છે, સોશિયલ મીડિયા અને અન્ય અહેવાલો દ્વારા આ આર્ટીકલ પબ્લીશ કરવામાં આવ્યો છે.)
Published On - 6:58 pm, Wed, 13 March 24