કૌન બનેગા કરોડપતિ શોથી BIG B કેટલા કરોડના માલિક બન્યા ? જાણો કેટલો લે છે ચાર્જ
કૌન બનેગા કરોડપતિની 16મી સીઝન ટુંક સમયમાં શરુ થશે, આ સીઝનને પણ બિગ બી એટલે કે, અમિતાભ બચ્ચન હોસ્ટ કરી રહ્યા છે. તો ચાલો આજે આપણે જાણીએ કે, અમિતાભ બચ્ચન એક સીઝનમાં કેટલા રુપિયાનો ચાર્જ લે છે.
સદીના મહાનાયક અમિતાભ બચ્ચનનો ઇન્ડસ્ટ્રી પર દબદબો યથાવત છે. અભિનેતા ફિલ્મોમાં સતત સક્રિય છે. આ સિવાય તે ક્વિઝ શો 'કૌન બનેગા કરોડપતિ' દ્વારા ટીવી પર મોટું નામ કમાઇ ચુક્યા છે.
ટીવી પર આમ તો અનેક શો આવે છે પરંતુ છેલ્લા 15 વર્ષથી આ શો સારો ચાલે છે અને આ વર્ષે 16મી સીઝન શરુ ટુંક સમયમાં થશે. આ શોનું નામ છે કૌન બનેગા કરોડપતિ જેને રમી તમે તમારું જ્ઞાન વધારી શકો છો સાથે તમે કરોડપતિ બની શકો છો. આ શો હવે ભારતના દરેક ઘરમાં ફેમસ થઈ ચુક્યો છે.
આ શોને તમે તમારા પરિવાર સાથે બેસી જોઈ શકો છો. આ શોની ખાસ વાત એ છે કે, આ શોને અમિતાભ બચ્ચન છેલ્લા 15 વર્ષથી હોસ્ટ કરી રહ્યા છે. માત્ર એક જ સીઝનમાં જોવા મળ્યા ન હતા. તો ચાલો આજે આપણે જાણીએ કે, બિગ બી આ શોને હોસ્ટ કરવા માટે કેટલી ફી લે છે.
બોલિવુડ અભિનેતા અમિતાભ બચ્ચન દ્વારા હોસ્ટ કરવામા આવનાર આ શો કૌન બનેગા કરોડપતિ ભારતમાં સૌથી લાંબા સમયથી ચાલનારો શો બની ગયો છે. તમને જણાવી દઈએ કે, આ શોની પહેલી સીઝન 2000માં આવી હતી.
એક રિપોર્ટ મુજબ અમિતાભ બચ્ચન પહેલી સિઝનથી દરેક એપિસોડ માટે 25 લાખ રુપિયા લેતા હતા. ત્યારબાદ સીઝન 5 બાદ અંદાજે દરેક એપિસોડના 1 કરોડ અને છઠ્ઠી અને સાતમી સીઝનમાં અમિતાભ બચ્ચનને 1.5 કરોડ રુપિયાથી 2 કરોડ રુપિયાનો ચાર્જ આપવામાં આવ્યો હતો.
8મી સીઝનની વાત કરીએ તો બિગ બીએ એક એપિસોડ માટે અંદાજે 2 કરોડ રુપિયા સુધીનો ચાર્જ લીધો હતો. ત્યારબાદ ચાર્જ વધતો ગયો અને 9મી સીઝનમાં 2.6 કરોડ, 10મી સીઝનમાં અંદાજે 3 કરોડ રુપિયાનો ચાર્જ લીધો હતો.
કૌન બનેગા કરોડપતિની સીઝન 11,12,13 સીઝન માટે ફીમાં વધારો કર્યો અને ફી 3.5 કરોડ રુપિયા સુધી વધારી હતી. 14મી સીઝનના દરેક એપિસોડ માટે 4 થી 5 કરોડ રુપિયાનો ચાર્જ લીધો હતો. 15મી સીઝનમાં પણ અંદાજે 4 થી 5 કરોડનો ચાર્જ લીધો હતો.
કૌન બનેગા કરોડપતિની 16મી સીઝન ટુંક સમયમાં શરુ થશે. તમને જણાવી દઈએ કે, આ સીઝનને પણ અમિતાભ બચ્ચન હોસ્ટ કરશે. જેમની ઉંમર 81 વર્ષની છે. શો 26 એપ્રિલથી શરુ થશે. જેનું શુટિંગ શરુ થઈ ચુક્યું છે.