દિવાળીનાં તહેવાર પછી, ‘કાલે લગન છે !?!’… આવી રહી છે સિચ્યુએશ્નલ કોમેડી અને સસ્પેન્સથી ભરપૂર ફિલ્મ, જુઓ Photos
અભિનેતા પરીક્ષિત અને પૂજાની જોડી ‘હું અને તું’ ફિલ્મ પછી ફરી એકવાર સાથે આવી રહી છે. આ વખતે પણ ફિલ્મની કથા લગ્નની આસપાસ ગુંથાયેલી છે. પરંતુ આ ફિલ્મમાં માત્ર કોમેડી જ નથી. ફિલ્મમાં ડ્રામા અને રોમાન્સ પણ છે. ફિલ્મ સિચ્યુએશ્નલ કોમેડી અને સસ્પેન્સથી ભરપૂર છે.
ફિલ્મના ડિરેક્ટર હુમાયુએ આ અગાઉ ‘હું અને તું’ ફિલ્મમાં પણ પરીક્ષિત અને પૂજા સાથે કામ કર્યું છે. તે ફિલ્મમાં સાથે કામ કરતા સમયે જ હુમાયુને અનુભવાયું કે તેમણે લખેલી જે સ્ટોરી છે તેનાં પાત્ર આયુષ અને ઈશિકા માટે પરીક્ષિત અને પૂજા પરફેક્ટ છે.
પરીક્ષિત તમાલિયાપણ ફિલ્મ તેમને મળેલા પાત્રથી ખુબ જ ખુશ છે. એક અભિનેતા તરીકે પરીક્ષિતને ફિલ્મોમાં અલગ અલગ પ્રકારના પાત્રો ભજવવાની તક મળી રહી છે તેનાંથી તે ખુબ જ ઉત્સાહિત છે. હાલમાં જ રિલીઝ થયેલી ફિલ્મ ઇન્ટરવ્યુમાં પણ પરીક્ષિતનાં અભિનયનાં અભિનયને ખુબ જ બિરદાવવામાં આવ્યો હતો.
અભિનેત્રી પૂજા જોશી માટે પણ કોમેડી કેરેક્ટર ભજવવું નોસ્ટાલ્જિયા સમાન રહ્યું. પૂજા જોશીએ અભિનય ક્ષેત્રે પા પા પગલી જ કોમેડી સિરિયલથી કરી હતી. સંજય ગોરડિયા જેવા દિગ્ગજ કલાકાર સાથે બનાવેલી સિરિયલ ‘આ ફેમિલી કોમેડી છે’માં પૂજા જોશી ખુબ જ મહત્વના પાત્રમાં હતી. કોમેડી વેબ સિરિઝ ‘વાત વાતમાં’ અને ફિલ્મ ‘લગન સ્પેશિયલ’માં પૂજાનો અભિનય વખણાયો છે.
આ ટર્ન અને ટ્વિસ્ટ વાળી કોમેડી ફિલ્મમાં જાણીતા ગાયક ઉમેશ બારોટ પણ એક ખાસ કિરદારમાં જોવા મળશે. આ ફિલ્મનું સંગીત પણ દર્શકોને પસંદ આવી રહ્યું છે. રોડ ટ્રીપ સાથે વણાયેલી કથામાં દર્શકોને ગુજરાતનાં નયનરમ્ય લોકેશન પણ જોવા મળશે.
