વિકાસ ખન્ના પરિવાર : બોલિવુડના સ્ટારને પણ ટક્કર આપે છે આ માસ્ટર શેફ, દાદી પાસેથી શીખ્યો છે રસોઈ
આજે ભારતના જાણીતા શેફ વિકાસ ખન્નાનો જન્મદિવસ છે. વિકાસ ખન્ના પર અનેક છોકરીઓ ફિદા છે. વિકાસ માસ્ટર શેફશોમાં પણ જજ તરીકે જોવા મળી ચૂક્યો છે.વિકાસે 2010માં ન્યૂયોર્કમાં 'પેશન' નામની રેસ્ટોરન્ટ ખોલી હતી અને આજે તે અમેરિકાની સૌથી પ્રખ્યાત રેસ્ટોરન્ટ છે. તે અનેક વડાપ્રધાનો માટે પણ રસોઈ બનાવી ચૂક્યો છે.
આજે શેફ તેમનો 52મો જન્મદિવસ ઉજવી રહ્યો છે અને તેમના ખાસ દિવસે, આપણે તેમના જીવનની કેટલીક પ્રેરણાત્મક વાતો વિશે જાણીશું.
વિકાસે અનેક વખત બોલિવૂડ ફિલ્મો પણ ઠુકરાવી ચૂક્યો છે. તેમણે ફિલ્મ નિર્માતા કરણ જોહર દ્વારા ઓફર કરાયેલી ભૂમિકાને ઠુકરાવી દીધી હતી, એમ કહીને કે ફુડ ક્ષેત્ર હંમેશા તેની પ્રાથમિકતા રહેશે. વિકાસ ખન્નાની માતા-પિતાનું નામ બિંદુ ખન્ના અને દવિનદર ખન્ના છે. તે ત્રણ ભાઈ બહેનો છે. જેમાંથી તેમની બહેન રાધિકાનું નધિન થઈ ચક્યું છે.
અમૃતસરમાં જન્મેલા વિકાસ ખન્ના આજે દુનિયાનો જાણીતો ચહેરો બની ગયા છે. તેણે 17 વર્ષની ઉંમરે કમાવાનું શરૂ કર્યું અને આજે તે ન્યૂયોર્કમાં 'જુનૂન' નામની રેસ્ટોરન્ટનો માલિક છે. તો ચાલો આજે તેના પરિવાર તેમજ તેના વિશે જાણીએ.
13 વર્ષની ઉંમર સુધી વિકાસ ખન્ના પોતાના પગ પર બરાબર ચાલી શકતા ન હતા. રમી શકતો ન હોવાથી, તેણે શાળા પછીનો સમય રસોડામાં તેની દાદીને રસોઇ બનાવતા જોઈને પસાર કર્યો. એક ઈન્ટરવ્યુમાં તે કહે છે કે તે ત્યાં ખૂબ જ હળવાશ અનુભવતો હતો,દાદીને રસોઈ બનાવતી જોઈને વિકાસને તેમાં રસ જાગ્યો.
દેશના સૌથી પ્રખ્યાત શેફ વિકાસ ખન્નાનું જીવન સંઘર્ષથી ભરેલું રહ્યું છે. તે પરાઠા પણ વેચતો હતો. આટલું જ નહીં, વિકાસ ખન્નાએ ઘણી રાતો રસ્તાઓ પર વિતાવી છે. વિકાસ ખન્નાના પર એક ડોક્યુમેન્ટરી પણ બની ચૂકી છે. જો તમે તેમની સ્ટોરી સાંભળવા માંગતા હો, તો તમે તેમની ડોક્યુમેન્ટરી જોઈ શકો છો, જેનું નામ બરીડ સીડ્સ છે.
વિકાસ ખન્નાએ એક ઈન્ટરવ્યુમાં જણાવ્યું હતુ કે,અમૃતસરમાં મારા ઘરની નજીક હતુ. હું ત્યાં જઈને રોટલી વળતો હતો. હું એટલી ઝડપથી રોટલી વળતો હતો કે લોકો મારી રોટલીની ઝડપ જોઈને આશ્ચર્યચકિત થઈ જતા હતા. જ્યારે હું લંગરમાં જતો અને દરેકને ભોજન પીરસતો ત્યારે હું ખૂબ જ હળવાશ અનુભવતો. મેં વિચાર્યું કે ભવિષ્યમાં હું રસોઇયા તરીકે કરિયર બનાવવા માંગીશ કારણ કે પ્રોફેશનની સાથે તેમાં પ્રેમની લાગણી પણ છુપાયેલી છે.