માતા શિક્ષક, પિતા એન્જિનિયર તેમજ પતિ અને સસરા સાઉથ સ્ટાર, આવો છે શોભિતા ધુલીપાલાનો પરિવાર
શોભિતા ધુલીપાલા એક મધ્યમવર્ગીય પરિવારમાંથી આવે છે. તેમના પિતા મર્ચન્ટ નેવીમાં એન્જિનિયર હતા અને માતા શિક્ષક હતી, હવે શોભિતા ધૂલીપાલા નાગાજૂર્નના દિકરાની વહુ બનવા જઈ રહી છે,શોભિતા ધુલીપાલા નાગા ચૈતન્ય સાથે સગાઈના બે મહિના પછી જ દુલ્હન બનવા જઈ રહી છે. તો આજે આપણે શોભિતાના પરિવાર વિશે જાણીએ.
સાઉથથી લઈને બોલિવૂડમાં કામ કરનારી શોભિતા ધુલીપાલા પોતાની એકિટંગથી ચાહકોના દિલ જીતી લીધા છે. તો આજે આપણે શોભિતાની પર્સનલ લાઈફ તેમજ પરિવાર વિશે વાત કરીશું.
મોડલિંગમાંથી એક્ટિંગમાં આવેલી શોભિતા ધૂલીપાલાએ ફિલ્મી દુનિયામાં પોતાનું નામ બનાવ્યું છે. પરંતુ શું તમે જાણો છો કે અભિનેત્રીને મોટી સફળતા કેવી રીતે મળી.શોભિતાએ કહ્યું કે તેણે 1 હજાર ઓડિશન આપ્યા, જેમાં તેને માત્ર નિરાશા જ મળી હતી.
શોભિતા ધુલીપાલાનો જન્મ 31 મે 1992ના રોજ આંધ્રપ્રદેશમાં તેલુગુ બ્રાહ્મણ પરિવારમાં થયો હતો.તેના પિતા વેણુગોપાલ રાવ, મર્ચન્ટ નેવી એન્જિનિયર હતા અને માતા પ્રાથમિક શાળાની શિક્ષક હતી.
શોભિતા ધુલીપાલાનો ઉછેર વિશાખાપટ્ટનમમાં થયો હતો, તે સોળ વર્ષની ઉંમરે એકલા જ મુંબઈ આવી હતી અને મુંબઈ યુનિવર્સિટીમાં H.R કોલેજ ઓફ કોમર્સ એન્ડ ઈકોનોમિક્સમાં એડમિશન લીધું હતુ.
તે કુચીપુડી અને ભરતનાટ્યમમાં પ્રશિક્ષિત ક્લાસિકલ નૃત્યાંગના પણ છે. શોભિતા ધુલીપાલા અભિનેત્રી છે. તેમણે ફેમિના મિસ ઈન્ડિયા 2013 સ્પર્ધામાં ફેમિના મિસ ઈન્ડિયા અર્થ 2013નો ખિતાબ જીત્યો હતો અને મિસ અર્થ 2013માં ભારતનું પ્રતિનિધિત્વ કર્યું હતું.
ધૂલીપાલાએ અનુરાગ કશ્યપની રમણ રાઘવ 2.0 (2016)માં અભિનયની શરૂઆત કરી હતી અને ત્યારબાદ એમેઝોન પ્રાઇમ વિડિયો ડ્રામા શ્રેણી મેડ ઇન હેવનમાં મુખ્ય ભૂમિકા ભજવી હતી.
ધૂલીપાલા તેલુગુ ફિલ્મો ગુડાચારી (2018) અને મેજર (2022), મલયાલમ ફિલ્મો મૂથોન (2019) અને કુરુપ (2021), પોનીયિન સેલવાનઅને ક્રાઈમ થ્રિલર સિરીઝ ધ નાઈટ મેનેજર તેમજ એક્શન થ્રિલર મંકી મેનમાં જોવા મળી હતી.
શોભિતા ધુલીપાલા ફેમિના મિસ ઈન્ડિયા અર્થ 2013 જીત્યા બાદ પ્રસિદ્ધિમાં આવી છે અને મેડ ઈન હેવનમાં તેમની ભૂમિકા માટે તેના વખાણ કરવામાં આવ્યા હતા. તેની કુલ સંપત્તિ અંદાજે 7-10 કરોડ રુપિયા છે.
જ્યારે શોભિતાની કુલ સંપત્તિ 7-10 કરોડ રૂપિયા છે. એવા અહેવાલો છે કે શોભિતા એક પ્રોજેક્ટ માટે 70 લાખથી 1 કરોડ રૂપિયા ચાર્જ લે છે. અભિનય કારકિર્દી સિવાય શોભિતા મોડલિંગમાં પણ સક્રિય છે. અભિનેત્રી મોડલિંગમાંથી પણ સારી કમાણી કરે છે. શોભિત એક ફેશન આઇકોન છે.
શોભિતા અને ચૈતન્ય 2022 થી એકબીજાને ડેટ કરી રહ્યા છે. નાગા અને શોભિતાની લવસ્ટોરીની વાત કરીએ તો તેમની ડેટિંગની અફવાઓ ત્યારે શરૂ થઈ જ્યારે બંને હૈદરાબાદમાં પહેલીવાર સાથે જોવા મળ્યા હતા. હવે ટુંક સમયમાં લગ્નના બંધનમાં બંધાશે.
નાગા ચૈતન્યની પહેલી પત્નીનું નામ સામંથા રૂથ પ્રભુ છે. આ કપલે 2017માં લગ્ન કર્યા હતા, પરંતુ લગ્નના ચાર વર્ષ બાદ 2021માં તેમના છૂટાછેડા થઈ ગયા હતા. જે બાદ નાગા ચૈતન્ય શોભિતા સાથે લગ્નના બંધનમાં બંધાવા જઈ રહ્યો છે.
નાગા ચૈતન્યની નેટવર્થની વાત કરીએ તો રિપોર્ટ પ્રમાણે તે 154 કરોડ રૂપિયા છે. આ હિસાબે બંનેની નેટવર્થ 160 કરોડ રૂપિયાથી વધુ છે. નાગ ચૈતન્ય વૈભવી લાઈફસ્ટાઈલ જીવે છે,અભિનેતાનું કાર કલેક્શન પણ જબરદસ્ત છે.
હાલમાં નાગા ચૈતન્યનો પરિવાર તેમજ શોભિતાના પરિવારમાં લગ્નનો માહોલ ચાલી રહ્યો છે.