Fatty Liver : 35 % બાળકો ફેટી લિવરની ઝપેટમાં ? ચોંકાવનારા આંકડા આવ્યા સામે !
નિષ્ણાતો મતે, ભારત ઝડપથી વધી રહેલા લીવર સ્વાસ્થ્ય સમસ્યાનો સામનો કરી રહ્યો છે. નવા રોગચાળાના ડેટા દર્શાવે છે કે ફેટી લીવર રોગ હવે દેશભરમાં લાખો લોકોને અસર કરે છે અને છેલ્લા દાયકામાં આ રોગચાળાનો દર ઝડપથી વધ્યો છે. તાજેતરના સંશોધનના આ પરિણામોના આધારે નિષ્ણાતો નિવારણ માટે તાત્કાલિક પગલાં લેવાની માંગ કરી રહ્યા છે.
ડૉ. પિયુષ વિશ્વકર્મા (કન્સલ્ટન્ટ, ગેસ્ટ્રોએન્ટેરોલોજી, હેપેટોલોજી અને લીવર ટ્રાન્સપ્લાન્ટ, આરજી હોસ્પિટલ્સ) સમજાવે છે કે ફેટી લીવર રોગને હવે વધુ સચોટ રીતે MASLD (મેટાબોલિક ડિસફંક્શન-એસોસિએટેડ સ્ટેનોટિક લીવર રોગ) તરીકે ઓળખવામાં આવે છે. તે ભારતની વસ્તીના 16% થી 32% ને અસર કરે છે. જે આશરે 12 કરોડ લોકો જેટલું છે. (Image Source | iStock)
જ્યારે આ આંકડાઓની વધુ વિગતવાર તપાસ કરવામાં આવે છે ત્યારે તે વધુ ચિંતાજનક બને છે. 26,000 થી વધુ લોકો પર કરવામાં આવેલા 50 વિશ્લેષણમાં જાણવા મળ્યું છે કે ભારતમાં 38.6% પુખ્ત વયના લોકોમાં નોન-આલ્કોહોલિક ફેટી લીવર ડિસીઝ (NAFLD) છે. ડાયાબિટીસ અથવા મેદસ્વીતા ધરાવતા લોકોમાં આ દર વધુ (52.8%) છે. બાળકો પણ તેનાથી પ્રભાવિત છે. આ જ વિશ્લેષણમાં જાણવા મળ્યું છે કે 35.4% બાળકોને ફેટી લીવર ડિસીઝ છે અને મેદસ્વી બાળકોમાં આ આંકડો 63.4% સુધી છે. (Image Source | iStock)
નિષ્ણાતોના મતે, ફેટી લીવર ડિસીઝ કોઈપણ વ્યક્તિને અસર કરી શકે છે. અભ્યાસો દર્શાવે છે કે ભારતમાં IT સેક્ટરમાં કામ કરતા લોકોમાં તેનું જોખમ વધુ હોઈ શકે છે. કારણ કે તેમને લાંબા સમય સુધી બેસીને કામ કરવું પડે છે. તેમની લાઇફસ્ટાઇલની કેટલીક આદતો પણ અસ્વસ્થ હોઈ શકે છે. (Image Source | iStock)
જોકે આ સમસ્યા વ્યાપક છે. આ વર્ષની શરૂઆતમાં લિવર નિષ્ણાતો વચ્ચે કરવામાં આવેલા દેશવ્યાપી સર્વેમાં બીમારીની ઓળખ અને સારવારની પદ્ધતિઓમાં કેટલીક ખામીઓ જોવા મળી હતી. તેનાથી સ્પષ્ટ થાય છે કે ફેટી લિવરની બીમારીના વધતા બોજની સરખામણીએ હેલ્થકેર સિસ્ટમ હજુ પણ પૂરતી રીતે તૈયાર થઈ શકી નથી. (Image Source | iStock)
ફેટી લીવર રોગમાં વધારો થવાના મુખ્ય કારણોમાં ટાઇપ 2 ડાયાબિટીસ, સ્થૂળતા, હાઈ બ્લડ પ્રેશર અને શારીરિક પ્રવૃત્તિનો અભાવ સામેલ છે. આરોગ્ય નિષ્ણાતો કહે છે કે આ પણ એક તક છે કારણ કે જે લોકો આમાંની એક બીમારી તપાસવામાં માટે આવે છે ત્યારે તેમની અન્ય બીમારીઓની પણ તપાસ થઈ શકે છે. (Image Source | iStock)
હેલ્ધી લાઇફસ્ટાઇલમાં ફેરફાર કરવાથી, જેમ કે સંતુલિત ડાયટ લેવો અને નિયમિત કસરત કરવી આનાથી એકસાથે અનેક સ્વાસ્થ્ય સમસ્યાઓને રોકવામાં મદદ થઈ શકે છે છે. આરોગ્ય નિષ્ણાતો માને છે કે જો સમયસર અસરકારક પગલાં લેવામાં નહીં આવે તો આગામી દાયકાઓમાં ફેટી લીવર સમસ્યા ધરાવતા લોકોની સમસ્યા વધી શકે છે. (Image Source | iStock)
નોંધ : અહીં આપવામાં આવેલી માહિતી રિપોર્ટ્સ પર આધારિત છે. TV9 ગુજરાતી કોઈપણ પ્રકારની માહિતીને સમર્થન આપતું નથી. (Image Source | iStock)
