CBSEએ 10મી અને 12મી બોર્ડની પરીક્ષાઓની ડેટ શીટ કરી જાહેર, પરીક્ષા 15 ફેબ્રુઆરીથી લેવાશે
CBSEએ 10મા અને 12માની બોર્ડની પરીક્ષાનું શેડ્યૂલ જાહેર કર્યું છે. બંને વર્ગોની પરીક્ષા 15મી ફેબ્રુઆરીથી લેવાશે. ધોરણ 10ની પરીક્ષા 18મી માર્ચ સુધી અને ધોરણ 12ની પરીક્ષા 4 એપ્રિલ સુધી ચાલશે. સેન્ટ્રલ બોર્ડ ઓફ સેકન્ડરી એજ્યુકેશને કહ્યું છે કે ડેટ શીટ તૈયાર કરતી વખતે વિદ્યાર્થીઓની સુવિધાને ધ્યાનમાં રાખવામાં આવી છે.
CBSEએ 10મા અને 12માની બોર્ડની પરીક્ષાની તારીખ જાહેર કરી છે. બંને વર્ગોની પરીક્ષા 15મી ફેબ્રુઆરીથી લેવાશે. ધોરણ 10 ની પરીક્ષા 18 માર્ચ સુધી અને ધોરણ 12 ની પરીક્ષા 4 એપ્રિલ સુધી ચાલશે. CBSE એ શિડ્યુલ જાહેર કર્યું છે.
સેન્ટ્રલ બોર્ડ ઓફ સેકન્ડરી એજ્યુકેશન (CBSE) એ કહ્યું છે કે ડેટ શીટ તૈયાર કરતી વખતે વિદ્યાર્થીઓની સુવિધાને ધ્યાનમાં રાખવામાં આવી છે. આમાં ધોરણ 12ના વિદ્યાર્થીઓ માટે પ્રવેશ પરીક્ષા યોજવાની તારીખને પણ ધ્યાનમાં રાખવામાં આવી છે. પ્રવેશ પરીક્ષાઓ પહેલા પરીક્ષાઓ પૂર્ણ કરવાના પ્રયાસો કરવામાં આવ્યા છે. આ વિદ્યાર્થીઓને બોર્ડ અને પ્રવેશ પરીક્ષા બંને માટે ટાઈમ મેનેજમેન્ટમાં મદદ કરશે.
બોર્ડે કહ્યું કે, ડેટ શીટ બહાર પાડતી વખતે એ વાતનું પણ ધ્યાન રાખવામાં આવ્યું છે કે વિદ્યાર્થીની બે વિષયોની પરીક્ષા એક જ તારીખે ન લેવાય. સવારે 10.30 વાગ્યાથી પરીક્ષાઓ શરૂ થશે. પ્રથમ વખત, પરીક્ષાઓ શરૂ થવાના લગભગ 86 દિવસ પહેલા ડેટ શીટ બહાર પાડવામાં આવી છે. શાળાઓ દ્વારા સમયસર LOC સબમિટ કરવાને કારણે આ શક્ય બન્યું છે.
સેન્ટ્રલ બોર્ડ ઓફ સેકન્ડરી એજ્યુકેશનએ કહ્યું કે આ વખતે જાહેર કરવામાં આવેલી ડેટ શીટને કારણે વિદ્યાર્થીઓને ઘણો ફાયદો થશે. તેઓ અગાઉથી પરીક્ષાની તૈયારી શરૂ કરી શકશે. આ સાથે તેઓ પરીક્ષાની ચિંતા દૂર કરી શકશે. વિદ્યાર્થીઓ પરીક્ષાઓમાં પણ સારું પ્રદર્શન કરી શકશે. એટલું જ નહીં વિદ્યાર્થીઓના પરિવાર અને શિક્ષકો પણ ઉનાળાની રજાઓમાં પ્રવાસનું આયોજન કરી શકશે.
75% હાજરી ફરજિયાત : CBSE બોર્ડની પરીક્ષામાં હાજર રહેવા માટે શાળામાં વિદ્યાર્થીઓની 75 ટકા હાજરી ફરજિયાત છે. બોર્ડે અગાઉ કહ્યું હતું કે માત્ર તબીબી કટોકટી, રાષ્ટ્રીય અથવા આંતરરાષ્ટ્રીય રમતગમતના કાર્યક્રમોમાં ભાગ લેવા અને અન્ય ગંભીર કારણોસર વિદ્યાર્થીઓને હાજરીમાં 25 ટકા છૂટ આપવામાં આવશે. આ માટે વિદ્યાર્થીએ જરૂરી ડોક્યુમેન્ટ્સ શાળામાં જમા કરાવવાના રહેશે.