Year Ender : Heroથી લઈને Mahindra અને Jaguar સુધી, આ બાઈક અને કારે 2024માં કહ્યું અલવિદા
2024માં ભારતીય ઓટો માર્કેટમાં ઘણી નવી બાઈક અને કારોએ એન્ટ્રી કરી છે, જ્યારે કેટલાક જૂના મોડલ્સે અલવિદા પણ કહેવું પડ્યું છે. આ વર્ષે ઓટો કંપનીઓએ ભારતીય બજારમાંથી કાર અને બાઇકના કેટલાક મોડલ પાછા ખેંચી લીધા છે. ત્યારે આ લેખમાં જાણીશું કે 2024માં ભારતીય બજારમાં કઈ બાઇક અને કારનું વેચાણ બંધ થયું.
Mahindra Marazzo : મહિન્દ્રા મરાઝોને જુલાઈ 2024માં ભારતીય બજારમાંથી પાછી ખેંચી લેવામાં આવી હતી. આ MPV શાર્કની ડિઝાઈનથી પ્રેરિત હતી, પરંતુ તે ભારતીય બજારમાં પોતાનું સ્થાન બનાવવામાં સફળ રહી ન હતી. Marazzoમાં 1.5 લિટર ડીઝલ એન્જિન હતું, જે 121 bhp પીક પાવર અને 300 Nm ટોર્ક જનરેટ કરે છે.
Hyundai Kona Electric : હ્યુન્ડાઇએ જૂન 2024માં પ્રથમ ઇલેક્ટ્રિક કાર કોના ઇલેક્ટ્રિકનું વેચાણ બંધ કરી દીધું હતું. તેમાં 39.2 kWh બેટરી પેક હતું, જે 452 કિમીની રેન્જ આપે છે. જો કે, ઇલેક્ટ્રિક કાર માર્કેટમાં નવા અને સસ્તા મોડલના આગમન સાથે કોના ઇલેક્ટ્રિકની માંગ ઘટી અને કંપનીએ તેને બંધ કરી દીધી.
Jaguar I-Pace : આ કાર ભારતની પ્રથમ લક્ઝરી ઇલેક્ટ્રિક કારમાંની એક હતી. આ પણ 2024માં બંધ થઈ ગઈ. તેમાં 90 kWh બેટરી પેક હતું, જે 394 bhp પીક પાવર અને 695 Nm ટોર્ક જનરેટ કરે છે. આ કાર 470 કિમી સુધીની રેન્જ આપતી હતી. આ સિવાય આ કાર 0-100 કિમી/કલાકની સ્પીડ 4.8 સેકન્ડમાં પૂરી કરતી હતી.
Mini Cooper SE : આ કાર ભારતમાં પ્રીમિયમ ઇલેક્ટ્રિક કાર હતી. તેને 2024માં ભારતીય બજારમાંથી હટાવી દેવામાં આવી હતી. તેમાં 32.6 kWh બેટરી પેક છે, જે 181 bhp પાવર અને 270 Nm ટોર્ક આપે છે. આ કાર 7.3 સેકન્ડમાં 0-100 કિમી/કલાકની ઝડપ પકડી શકતી હતી, પરંતુ વધતી હરીફાઈ અને વેચાણના અભાવને કારણે તેને બંધ કરવામાં આવી હતી.
Published On - 5:04 pm, Mon, 30 December 24
