ટીવી, કાર કે ફ્રિજ જાતે કરશે બિલની ચુકવણી, જાણો UPI એવું તો શું કરશે ?
UPI, ભારતની લોકપ્રિય ડિજિટલ ચુકવણી પદ્ધતિ, હવે "Internet of Things" (IoT) સાથે જોડાઈને નવા યુગમાં પ્રવેશ કરી રહી છે. સ્માર્ટ ટીવી, કાર, રેફ્રિજરેટર જેવા ગેજેટ્સના બિલ પોતે ગેજેટ્સ જ ચૂકવશે..
કલ્પના કરો કે તમારું રેફ્રિજરેટર દૂધની થેલી ખૂટી ગયાની જાણકારી આપે નહીં પણ તે Milk Delivery એપ સાથે કનેક્ટ થઈ દૂધની થેલી ઓર્ડર પણ આપે અને તેના માટે યુપીઆઈથી પેમેન્ટ પણ કરી દે! કારમાં પેટ્રોલ ભરાવ્યા પછી તે પોતે લોકેશન આધારે પેટ્રોલ પંપ સાથે સેટલમેન્ટ પણ કરી શકે. આ બધું શક્ય બનશે ‘Internet of Things’ અને UPIના સંયોજનથી.
આ પ્રકારની ટેક્નોલોજી હજી વિકાસના તબક્કામાં છે અને ઘણી બધી સરકારી મંજૂરીઓ, સુરક્ષા સ્ટાન્ડર્ડ્સ અને પ્રાયવસી રૂલ્સ ઉપર આધારિત છે. પણ આ દિશામાં ભારપૂર્વક કામ શરૂ થઈ ચૂક્યું છે. ભારત સરકાર, નેશનલ પેમેન્ટ્સ કોર્પોરેશન ઓફ ઈન્ડિયા (NPCI) અને ટેક કંપનીઓ મળીને આવનારા ભવિષ્યમાં એવાં સ્માર્ટ યુગની તૈયારી કરી રહી છે જેમાં ડિજિટલ પેમેન્ટ આપણા હાથમાંથી ઉપકરણોમાં શિફ્ટ થઈ જશે.
અંતે, હવે UPI માત્ર મોબાઈલ સુધી મર્યાદિત નહિ રહે – આ પેમેન્ટ સિસ્ટમ હવે આપના સ્માર્ટ ઘરો, સ્માર્ટ કાર અને બીજા IoT ઉપકરણો સુધી વિસ્તરશે. આ બદલાવ આપણું જીવન વધુ સરળ, ઝડપી અને ટેક્નોલોજીથી સંકળાયેલું બનાવશે – બસ આપણે તૈયારી રાખવાની છે!
