Business Idea: માત્ર ₹15,000માં શરૂ કરો ધંધો અને કમાઓ દર મહિને ₹1.5 લાખ સુધી!
નાળિયેર અને લીંબુ પાણીનો વ્યવસાય નાના રોકાણમાં શરૂ કરી શકાય છે અને સારો એવો નફો મેળવી શકાય છે. આજની ભાગદોડભરી લાઈફમાં લોકો ફિટ અને તંદુરસ્ત રહેવા માંગે છે અને એવામાં જો તમે નાળિયેર અને લીંબુ પાણીનો વ્યવસાય શરૂ કરો છો તમે સારી આવક મેળવી શકો છો.
વ્યવસાય માટે જરૂરી સાધનોમાં સ્ટીલ કે પ્લાસ્ટિકનો સ્ટોલ કે ટ્રોલી, લેમન સ્ક્વીઝર, નાળિયેર કાપવાની છરી અને હથોડો, પાણી સ્ટોરેજ માટેનો ડ્રમ, કપ, સ્ટ્રો, ટીશ્યૂ, ડસ્ટબિનનો સમાવેશ થાય છે. શરૂઆતમાં લગભગ ₹10,000 થી ₹15,000 જેટલું રોકાણ કરવું પડે છે.
આવકની વાત કરીએ તો, લીંબુ પાણી ₹5 થી ₹10માં વેચી શકાય છે. જો રોજના 80 થી 150 ગ્લાસ લીંબુ પાણી વેચાય છે તો તમે રોજના ₹800 થી ₹1,500 અને મહિનાના ₹24,000 થી ₹45,000 કમાઈ શકો છો.
નાળિયેર પાણી માટે દરેક નાળિયેર ₹30 થી ₹40ના દરે ખરીદી શકાય છે અને ₹50 થી ₹60માં વેચી શકાય છે. જો રોજના 50 થી 100 નાળિયેર વેચાય તો દરરોજની આવક ₹2,500 થી ₹6,000 અને મહિનાની આવક ₹75,000 થી ₹1,50,000 જેટલી થઈ શકે છે. સરળ રીતે જોઈએ તો, બંનેમાં અંદાજિત નફો 30% થી 60% સુધીનો રહે છે.
માર્કેટિંગ માટે વર્ડ ટુ માઉથ પબ્લિસિટી, ડિસ્કાઉન્ટ ઓફર્સ, બ્રાન્ડિંગ, આકર્ષક બેનરો તથા સોશિયલ મીડિયામાં ફોટા અને વીડિયોની પોસ્ટિંગ કરીને ગ્રાહકોને તમારા બિઝનેસ તરફ ખેંચી શકો છો.
