ટેક્સ સિસ્ટમમાં થશે ‘એક ખાસ સુધારો’! 8 લાખ રૂપિયા સુધીની ‘ટેક્સ છૂટ’? શું Budget 2026 માં મધ્યમ વર્ગને મળશે મોટી રાહત?
Budget 2026 માં મધ્યમ વર્ગને મોટી રાહત મળવાની સંભાવના છે. આ વ્યવસ્થાથી પરિવારોને 6 થી 8 લાખ રૂપિયા સુધીની ટેક્સ છૂટ મળી શકે છે. આનાથી માસિક ખર્ચ અને વધતી જતી મોંઘવારીના દબાણમાં ઘટાડો થઈ શકે છે.
જો તમે પરિણીત છો અને પરિવારની સંપૂર્ણ જવાબદારી એક જ આવક પર ચાલી રહી છે, તો 'બજેટ 2026' તમારા માટે રાહત લાવી શકે છે. સરકાર પાસે માંગ કરવામાં આવી છે કે, પરિણીત યુગલોને 'Joint Tax Return' ફાઇલ કરવાનો વિકલ્પ આપવામાં આવે.
આ વ્યવસ્થાથી પતિ-પત્ની એક જ ટેક્સ રિટર્ન ફાઇલ કરી શકશે. પરિવારોને 6 થી 8 લાખ રૂપિયા સુધીની ટેક્સ છૂટ મળી શકે છે. આનાથી માસિક ખર્ચ અને વધતી જતી મોંઘવારીના દબાણમાં ઘટાડો થઈ શકે છે. મધ્યમ વર્ગના પરિવારો માટે આ એક મહત્વપૂર્ણ બદલાવ સાબિત થઈ શકે છે.
જો પરિવારમાં ફક્ત એક જ કમાનાર સભ્ય હોય, તો હાલમાં તમારે એકલાએ જ ટેક્સનો બધો બોજ ઉઠાવવો પડે છે. જોઈન્ટ ટેક્સેશનથી પરિવાર સ્તરે ટેક્સની ગણતરી કરવામાં આવશે, જેના કારણે ટેક્સેબલ ઇન્કમ ઘટી શકે છે. આનાથી વધારાની છૂટ મળવાથી દરેક વર્ષે ટેક્સ બચત શક્ય બનશે. આ સિસ્ટમ ખાસ કરીને સિંગલ ઇન્કમ ફેમિલી માટે લાભદાયક રહેશે.
આ દરખાસ્ત મુજબ, પતિ-પત્ની એક જ 'ટેક્સ રિટર્ન' ફાઇલ કરી શકશે. આમાં પરિવાર માટે 6 થી 8 લાખ રૂપિયા સુધીની ટેક્સ ફ્રી લિમિટ હોઈ શકે છે, જે હાલમાં 4 લાખ રૂપિયા સુધી છે. પગાર મેળવતા કપલને સ્ટાન્ડર્ડ ડિડક્શનનો લાભ અલગ-અલગ મળી શકે છે. આના કારણે તમારી Net Tax Debt ની રકમ ઘટી શકે છે અને ટેક્સ પ્લાનિંગ પહેલા કરતા વધારે સરળ બની શકે છે.
તાજેતરના ટેક્સ બદલાવ બાદ હવે સરકાર પરિવાર આધારિત ટેક્સ સિસ્ટમ પર ધ્યાન કેન્દ્રિત કરી રહી છે. આજે પણ ઘણા પરિવારો એક જ આવક પર નિર્ભર છે. અલગ-અલગ ટેક્સ રિટર્ન સિસ્ટમ તેમની વાસ્તવિક આર્થિક સ્થિતિ દર્શાવતા નથી. આ જ કારણ છે કે, પોલિસી સ્તરે જોડાયેલા ટેક્સેશન પર ગંભીર ચર્ચા થઈ રહી છે. ICAI જેવી સંસ્થાઓ પણ આ માંગને સમર્થન આપી રહી છે.
જો બજેટ 2026 માં Joint Taxation નું એલાન થશે, તો તે પર્સનલ ટેક્સ સિસ્ટમમાં એક મોટો સુધારો હશે. આ માટે ઇન્કમ ટેક્સ કાયદામાં ફેરફાર કરવાની જરૂર પડશે. જો કે, આ પ્રોસેસ જટિલ હોઈ શકે છે પરંતુ આના ફાયદા સીધા તમારા પરિવારને મળશે. ટૂંકમાં, આગામી બજેટ પરિણીત ટેક્સપેયર્સ માટે રાહતરૂપ સાબિત થઈ શકે છે.
