Breaking News : વિદેશમાં જઈને પણ સંસ્કાર નથી ભૂલી પ્રિયંકા ચોપરા, કરોડોના બેગમાં રાખે છે હનુમાન ચાલીસા
પ્રિયંકા ચોપરાને સંસ્કારી અને દેશી ગર્લ તરીકે ઓળખવામાં આવે છે.પ્રિયંકા ચોપરાએ તાજેતરમાં જ પોતાના ચાહકો સાથે પોતાના બેગના રહસ્યો શેર કર્યા. તેણે ખુલાસો કર્યો કે તે દુનિયામાં ગમે ત્યાં હોય, તેની બેગમાં હંમેશા હનુમાન ચાલીસા હોય છે. તેણે જે કારણ આપ્યું તે ખૂબ જ આશ્ચર્યજનક છે.
ફિલ્મ સ્ટાર અને સેલિબ્રિટિસ જ્યારે પણ ટ્રાવેલ કરે છે.ત્યારે તેના બેગમાં શું સાથે રાખે છે. તેના વિશે હંમેશા લોકોના મનમાં સવાલો થતા આવ્યા છે. હાલમાં પ્રિયંકા ચોપરાએ એક ઈન્ટરવ્યુમાં આ વિશે ખુલાસો કર્યો છે.
પ્રિયંકા ચોપરા વિદેશ ગયા પછી પણ પોતાના સંસ્કારો ભૂલી નથી.તે પોતાની કરોડો રૂપિયાની બેગમાં હનુમાન ચાલીસા અને કાળો દોરો રાખે છે. તેનું આશ્ચર્યજનક કારણ પણ જણાવ્યું છે.
પ્રિયંકા ચોપરા વોગ ઈન્ડિયાને આપેલા ઈન્ટરવ્યુમાં કહ્યું કે, ટ્રાવેલ કરતી વખતે તે બેગમાં પરફ્યુમ, હેર સ્પ્રે અને સનગ્લાસ રાખે છે. આ સાથે નજર ન લાગે તેવો દોરો પણ રાખે છે. ખરાબ નજરથી બચવા માટે તે બ્રેસલેટની જેમ પહેરે છે. જે ખરાબ શક્તિઓથી બચાવે છે.
પ્રિયંકા ચોપરાએ પર્સ ખોલ્યું તો તેમાં નિક જોન્સની સાથે પહેલો ફોટો ક્લિક કર્યો તે હતો. જે 2018નો હતો. તે ફોટો હંમેશા સાથે રાખે છે.પ્રિયંકાએ આગળ જણાવ્યું કે તે તેની બેગમાં લેબલ લાગેલું પોર્ટેબલ ચાર્જર પણ રાખે છે. તે લેબલ લગાવે છે જેથી તે ખોવાઈ ન જાય.
પ્રિયંકા ચોપરાના વર્કફ્રન્ટની વાત કરીએ તો પ્રિયંકા ચોપરા આ વર્ષે ફિલ્મ ધ બ્લફમાં જોવા મળી હતી. જે ઓટીટી પર રિલીઝ થઈ હતી.
વર્ષ 2025માં તે ફિલ્મ હેડ્સ ઓફ સ્ટેટમાં જોવા મળી હતી. હવે તે જજમેન્ટ ડે અને એસએસ રાજામૌલીની ફિલ્મ વારાણસીમાં જોવા મળશે. વારાણસી 2027માં રિલીઝ થશે.(All photo : PTI)
