
વડાપ્રધાન નરેન્દ્ર મોદીના ફિલિપાઈન્સ પ્રવાસ દરમિયાન એક ખાસ ઘટના સામે આવી છે. પહેલીવાર એક મહિલા પાયલટે વડાપ્રધાનના વિશેષ વિમાનનું સંચાલન કર્યું છે. (Image Source | PTI)

વડાપ્રધાન નરેન્દ્ર મોદીના વિદેશ પ્રવાસ દરમિયાન તેમના વિમાનની કમાન સામાન્ય રીતે પુરુષ પાયલટના હાથમાં રહેતી હતી. જોકે, આ વખતે એક મહિલા પાયલટે આ મહત્વપૂર્ણ જવાબદારી સંભાળી. ભારતીય વાયુસેનાના ઇતિહાસમાં આ ઘટનાને ખાસ માનવામાં આવી રહી છે. (Image Source | PTI)

સૂત્રો અનુસાર, રાષ્ટ્રપતિના વિશેષ વિમાન કાફલા સાથે જોડાયેલી ભારતીય વાયુસેનાની એક મહિલા પાયલટે વડાપ્રધાનના વિમાનનું સંચાલન કર્યું હતું. આ પ્રથમ વખત છે જ્યારે ભારતીય વાયુસેનાની મહિલા પાયલટે વડાપ્રધાન નરેન્દ્ર મોદીના વિશેષ વિમાનની કમાન સંભાળી. (Image Source | PTI)

ભારતના ઇતિહાસમાં આ પ્રકારની ઘટના અગાઉ પણ બની ચૂકી છે. દેશના પ્રથમ વડાપ્રધાન પંડિત જવાહરલાલ નેહરુનું વિમાનનું પણ સંચાલન એક મહિલા પાયલટે કર્યું હતું. (Image Source | PTI)

1950 ના દાયકામાં કેપ્ટન ઉષા સુંદરમે પંડિત નેહરુના વિમાનનું સંચાલન કર્યું હતું. તે સમયે તેઓ એર ઇન્ડિયા સાથે જોડાયેલાં હતાં. જોકે, આ વખતે વડાપ્રધાન મોદીના વિમાનની જવાબદારી ભારતીય વાયુસેનાની મહિલા પાયલટે સંભાળી છે. (Image Source | PTI)

વડાપ્રધાન નરેન્દ્ર મોદી આ જ વિમાનમાં મનિલા પહોંચ્યા હતા. વિમાનનું કોલ સાઇન ઇન્ડિયા-1 અને ફ્લાઇટ નંબર K7067 હોવાનું જણાવવામાં આવ્યું છે. (Image Source | PTI)

ભારતીય વાયુસેનામાં મહિલાઓની ભાગીદારી સતત વધી રહી છે. સરકારી આંકડા અનુસાર, હાલમાં ભારતીય વાયુસેનામાં 130થી વધુ મહિલા પાયલટ કાર્યરત છે. (Image Source | PTI)

આ ઉપરાંત ખાનગી વિમાન કંપનીઓની વાત કરીએ તો ભારતમાં 3,327 સક્રિય મહિલા પાયલટ હોવાનું જણાવવામાં આવ્યું છે. આ આંકડો વૈશ્વિક સ્તરે પણ ભારતની મહિલા પાયલટોની મજબૂત હાજરી દર્શાવે છે. (Image Source | PTI)
Published On - 11:54 am, Tue, 17 November 26