Breaking News : દિવાળી પહેલા કોમર્શિયલ ગેસ સિલિન્ડર મોંઘો થયો, સતત ત્રીજા મહિને ભાવમાં વધારો થયો
દિવાળી (Diwali )પહેલા, દેશભરમાં કોમર્શિયલ ગેસ સિલિન્ડર (Gas Cylinder)ના ભાવમાં વધારો જોવા મળ્યો છે. આ સતત ત્રીજો મહિનો વધારો છે. જોકે, ઘરેલુ ગેસ સિલિન્ડરના ભાવમાં કોઈ ફેરફાર થયો નથી.
દેશની રાજધાની દિલ્લીથી લઈ કોલકાતા , મુંબઈ અને ચેન્નઈ સુધી કોમર્શિયલ ગેસ સિલેન્ડરના ભાવમાં સતત ત્રીજા મહિને વધારે જોવા મળ્યો છે. આંકડાને જોઈએ તો 4 મહાનગરોમાં 10 રુપિયાથી લઈ 17 રુપિયા પ્રતિ ગેસ સિલેન્ડરમાં વધારો જોવા મળ્યો છે. સૌથી વધારે ભાવ કોલકાતામાં વધારો થયો છે.
ખાસ વાત એ છે કે, દિવાળી માથા પર છે. કોમર્શિયલ ગેસ સિલેન્ડરના ભાવમાં વધારો થવાથી મિઠાઈ અને રેસ્ટોરન્ટમાં જમવાનું મોંઘુ પડી શકે છે. તો બીજી બાજુ ઘરેલું ગેસ સિલેન્ડરના ભાવમાં કોઈ ફેરફાર જોવા મળ્યો નથી. ખાસ વાત એ છે કે, જૂન મહિનામાં છેલ્લી વખત ઘરેલું ગેસ સિલેન્ડરના ભાવમાં વધારો જોવા મળ્યો હતો.
IOCLના ડેટા અનુસાર, દેશના ચારેય મેટ્રોપોલિટન શહેરોમાં કોમર્શિયલ ગેસ સિલિન્ડરના ભાવમાં સતત ત્રીજી વખત વધારો થયો છે. માહિતી અનુસાર, રાષ્ટ્રીય રાજધાની દિલ્હીમાં કોમર્શિયલ ગેસ સિલિન્ડરના ભાવમાં 10 રૂપિયાનો વધારો થયો છે, જેનાથી કિંમત 2820 રૂપિયા થઈ ગઈ છે.
દરમિયાન, કોલકાતામાં કોમર્શિયલ ગેસ સિલિન્ડરના ભાવમાં 17 રૂપિયાનો વધારો થયો છે, જેનાથી કિંમત 2971 રૂપિયા થઈ ગઈ છે. મુંબઈમાં 10.50 રૂપિયા અને ચેન્નાઈમાં 11.50 રૂપિયાનો વધારો જોવા મળ્યો છે, જેનાથી બંને મેટ્રોપોલિટન શહેરોમાં કોમર્શિયલ ગેસ સિલિન્ડરના ભાવ અનુક્રમે 2775 રૂપિયા અને 2994.5 રૂપિયા થઈ ગયા છે.
LPG સિલિન્ડરના ભાવ ઘણા કારણો પર આધાર રાખે છે. આંતરરાષ્ટ્રીય ગેસના ભાવમાં વધારો અને ઘટાડો અને ડોલર સામે રૂપિયાની કિંમતમાં ફેરફાર પણ સિલિન્ડરના ભાવને અસર કરે છે.
વધુમાં, રાજ્યના ટેક્સ અને ગેસ પુરવઠા ખર્ચને કારણે સિલિન્ડરના ભાવ શહેરથી શહેરમાં બદલાઈ શકે છે.(ALL Photo: PTI)
