Breaking News: 2026ની એશિયન ગેમ્સમાં ભારત સીધું ક્વાર્ટર ફાઈનલમાં રમશે, જાણો શું છે કારણ
જાપાનમાં યોજાનારી આ એશિયન ગેમ્સ 19 સપ્ટેમ્બરથી શરૂ થવાની છે અને આ વખતે ક્રિકેટનો પણ સમાવેશ કરવામાં આવ્યો છે. પુરુષ ક્રિકેટ સ્પર્ધામાં કુલ 10 ટીમો ભાગ લઈ રહી છે. તેમાં ICC રેન્કિંગના આધારે ટોચની ચાર ટીમોને સીધી ક્વાર્ટર ફાઈનલમાં સ્થાન આપવામાં આવ્યું છે.
2026 એશિયન ગેમ્સમાં ભારતીય પુરુષ ક્રિકેટ ટીમ સીધી ક્વાર્ટર ફાઈનલમાં પ્રવેશ કરશે. જાપાનમાં યોજાનારી આ એશિયન ગેમ્સ 19 સપ્ટેમ્બરથી શરૂ થવાની છે અને આ વખતે ક્રિકેટનો પણ સમાવેશ કરવામાં આવ્યો છે. પુરુષ ક્રિકેટ સ્પર્ધામાં કુલ 10 ટીમો ભાગ લઈ રહી છે. તેમાં ICC રેન્કિંગના આધારે ટોચની ચાર ટીમોને સીધી ક્વાર્ટર ફાઈનલમાં સ્થાન આપવામાં આવ્યું છે. આ ચાર ટીમોમાં ભારત ઉપરાંત પાકિસ્તાન, બાંગ્લાદેશ અને શ્રીલંકાનો સમાવેશ થાય છે.
એશિયન ગેમ્સના પુરુષ ક્રિકેટમાં ભારતને ગ્રુપ સ્ટેજ રમવાની જરૂર રહેશે નહીં. ICC રેન્કિંગમાં સારી સ્થિતિના કારણે ભારત, પાકિસ્તાન, બાંગ્લાદેશ અને શ્રીલંકાને સીધી ક્વાર્ટર ફાઈનલની ટિકિટ મળી છે. બીજી તરફ અફઘાનિસ્તાન, જાપાન, નેપાળ, હોંગકોંગ, મલેશિયા અને ઓમાન ગ્રુપ સ્ટેજમાં રમશે. આ ટીમોના પ્રદર્શન બાદ ક્વાર્ટર ફાઈનલ માટેની અન્ય ટીમો નક્કી થશે.
28 સપ્ટેમ્બરે ભારતનું અભિયાન શરૂ થશે: ભારતીય પુરુષ ક્રિકેટ ટીમ 28 સપ્ટેમ્બરે એશિયન ગેમ્સમાં પોતાના અભિયાનની શરૂઆત કરશે. ભારત ક્વાર્ટર ફાઈનલમાં ગ્રુપ Aની ઉપવિજેતા ટીમ સામે મેદાનમાં ઉતરશે.
ત્યારબાદ ભારતીય ટીમ 1 ઓક્ટોબરે સેમિફાઈનલ મેચ રમશે. જો ટીમ ઈન્ડિયા સેમિફાઈનલમાં જીત મેળવશે તો 3 ઓક્ટોબરે ફાઈનલમાં સ્થાન મેળવશે. આ જ દિવસે ત્રીજા સ્થાન માટે બ્રોન્ઝ મેડલની મેચ પણ રમાશે.
મહિલા ટીમ પણ સીધી આગળ વધશે:મહિલા ક્રિકેટ સ્પર્ધાની શરૂઆત પુરુષોની સરખામણીએ વહેલી થશે. ભારતીય મહિલા ક્રિકેટ ટીમ 18 સપ્ટેમ્બરે જાપાન સામે પોતાના અભિયાનની શરૂઆત કરશે.
ત્યારબાદ 20 સપ્ટેમ્બરે સેમિફાઈનલ મેચ રમાશે. મહિલા ક્રિકેટની બ્રોન્ઝ મેડલ અને ફાઈનલ મેચ 22 સપ્ટેમ્બરે યોજાશે.
ક્રિકેટને લઈને ચાહકોમાં ઉત્સાહ: એશિયન ગેમ્સમાં ક્રિકેટના સમાવેશને કારણે ભારતીય ચાહકોમાં ખાસ ઉત્સાહ જોવા મળી રહ્યો છે. ભારતની પુરુષ ટીમને ICC રેન્કિંગના આધારે સીધો ક્વાર્ટર ફાઈનલ રાઉન્ડ મળવાથી તેને શરૂઆતના ગ્રુપ સ્ટેજની મેચો રમવી નહીં પડે. હવે ટીમ ઈન્ડિયાનું ધ્યાન ક્વાર્ટર ફાઈનલથી જ ટૂર્નામેન્ટમાં મજબૂત શરૂઆત કરવા અને એશિયન ગેમ્સમાં ગોલ્ડ મેડલ જીતવા પર રહેશે.
