Brain Stroke Symptoms : બ્રેન સ્ટ્રોક પહેલાં શરીર આપે છે આ 7 ચેતવણી!
નિષ્ણાતોના મત, બ્રેન સ્ટ્રોક આવવાના એક મહિના અગાઉથી જ લક્ષણો દેખાવા લાગે છે. જો એ સાત લક્ષણો જાણી લેવાય તો સ્ટ્રોકને અટકાવી શકાય છે. જ્યારે આપણા મગજને મળનારો ઓક્સિજન કે લોહીનો પૂરવઠો અટકી જાય છે ત્યારે સ્ટ્રોક આવે છે.
સ્ટ્રોક પહેલાં ચહેરા, હાથ અથવા પગમાં અચાનક નિષ્ક્રિયતા થવા લાગે છે. સામાન્ય રીતે તે શરીરની ફક્ત એક જ બાજુ થાય છે.
સ્ટ્રોક પહેલાં હસતી વખતે ચહેરાની એક બાજુ મોઢું વાંકું દેખાવું સ્ટ્રોકનું મહત્વનું લક્ષણ હોઈ શકે છે.
અચાનક બોલવામાં અસ્પષ્ટતા અથવા સ્પષ્ટ રીતે બોલવામાં અસમર્થતા એ સ્ટ્રોકનો સંકેતો હોઈ શકે છે.
અચાનક મૂંઝવણ અથવા અન્ય લોકો શું કહે છે તે સમજવામાં મુશ્કેલી આવવી પણ સ્ટ્રોકના સંકેતો હોઈ શકે છે.
એક અથવા બંને આંખોમાં ધૂંધળું દેખાવું, ડબલ દેખાવું અથવા અચાનક આંખો સામે અંધારું છવાઈ જવું પણ સ્ટ્રોક પહેલાંના સંકેતો હોઈ શકે છે.
ચાલવામાં અચાનક મુશ્કેલી, ચક્કર અથવા શરીરનું સંતુલન બગડવું એ સ્ટ્રોક પહેલાનું લક્ષણ છે.
કોઈ બીમારી વગર અચાનક ઉબકા આવવા અથવા ઉલ્ટી થવી પણ સ્ટ્રોકનો સંકેત હોઈ શકે છે.
નોંધ: અહીં, પૂરી પાડવામાં આવેલી વિગતો માત્ર નિષ્ણાતોના મત અને રિપોર્ટ્સ પર આધારિત છે. TV9 ગુજરાતી કોઈપણ પ્રકારની માહિતીને સમર્થન આપતું નથી.
