Bike Transport by Train : ટ્રેન દ્વારા બાઇક કેવી રીતે મોકલવી? જાણો સંપૂર્ણ પ્રક્રિયા અને કેટલો થાય છે ખર્ચ
ટ્રેન દ્વારા બાઇક મોકલવી હવે સરળ છે. ભારતીય રેલવે બાઇક પાર્સલ સુવિધા આપે છે. આ માટે રેલવે સ્ટેશન પર ફોર્મ ભરવું, બાઇકનું નિરીક્ષણ કરાવવું અને ભાડું ચૂકવવું પડે છે.
જો તમે એક શહેરમાંથી બીજા શહેરમાં સ્થળાંતર કરી રહ્યા છો અને તમારી બાઇક અથવા સાયકલને ટ્રેન દ્વારા મોકલવા માંગો છો, તો આ પ્રક્રિયા ખૂબ સરળ છે. ઘણા લોકોને લાગે છે કે ટ્રેન દ્વારા બાઇક મોકલવી મુશ્કેલ અને ખૂબ ખર્ચાળ હોય છે, પરંતુ હકીકતમાં થોડા નિયમો અને જરૂરી દસ્તાવેજો સાથે તમે સરળતાથી તમારી બાઇક રેલવે મારફતે પરિવહન કરી શકો છો.
ભારતીય રેલવે બાઇક પાર્સલ અને લગેજ બંને સુવિધા આપે છે. બાઇક મોકલવા માટે સૌથી પહેલા તમને એવા રેલવે સ્ટેશન પર જવું પડશે જ્યાં પાર્સલ બુકિંગની સુવિધા ઉપલબ્ધ હોય. ત્યાં પાર્સલ ઓફિસમાંથી બુકિંગ ફોર્મ મેળવવું પડે છે. આ ફોર્મમાં બાઇક માલિકનું નામ, મોબાઇલ નંબર, ગંતવ્ય સ્ટેશન અને વાહનની વિગતો ભરવાની રહે છે.
ફોર્મ ભર્યા બાદ રેલવે સ્ટાફ બાઇકનું નિરીક્ષણ કરે છે અને તેનું વજન માપે છે. ત્યારબાદ અંતર અને વજનના આધારે ચાર્જ નક્કી કરવામાં આવે છે. ચુકવણી કર્યા પછી તમને રસીદ આપવામાં આવે છે, જેને સાચવી રાખવી ખૂબ જ જરૂરી છે, કારણ કે ગંતવ્ય સ્ટેશન પર બાઇક મેળવતી વખતે આ રસીદ ફરજિયાત ગણાય છે.
બાઇક મોકલતી વખતે તમારેલવેના નિયમો મુજબ બાઇકની પેટ્રોલ ટાંકી લગભગ ખાલી હોવી જરૂરી છે. સુરક્ષાને ધ્યાનમાં રાખીને બાઇકમાંથી મોટાભાગનું પેટ્રોલ કાઢી નાખવાની સલાહ આપવામાં આવે છે. સાથે જ સાઇડ મિરર કાઢી નાખવા પણ યોગ્ય માનવામાં આવે છે. બાઇકને યોગ્ય રીતે પેક કરવી પણ ખૂબ મહત્વપૂર્ણ છે. તમે જાતે પેકિંગ કરી શકો છો અથવા સ્ટેશન પર ઉપલબ્ધ પેકિંગ એજન્સીની મદદ લઈ શકો છો. સામાન્ય રીતે હેન્ડલ, હેડલાઇટ અને બોડી પર સુરક્ષાત્મક કવર લગાવવામાં આવે છે જેથી મુસાફરી દરમિયાન નુકસાન ન થાય.રી પાસે આધાર કાર્ડ, વાહનનું RC બુક, માન્ય ઇન્શ્યોરન્સ અને સક્રિય મોબાઇલ નંબર હોવો જરૂરી છે. જો બાઇક બીજા કોઈના નામે હોય, તો કેટલીક સ્થિતિમાં માત્ર ફોટોકોપી પૂરતી નથી માનવામાં આવતી. રેલવે અધિકારીઓ મૂળ દસ્તાવેજો અથવા ઓથોરાઇઝેશન લેટર પણ માગી શકે છે.
રેલવેના નિયમો મુજબ બાઇકની પેટ્રોલ ટાંકી લગભગ ખાલી હોવી જરૂરી છે. સુરક્ષાને ધ્યાનમાં રાખીને બાઇકમાંથી મોટાભાગનું પેટ્રોલ કાઢી નાખવાની સલાહ આપવામાં આવે છે. સાથે જ સાઇડ મિરર કાઢી નાખવા પણ યોગ્ય માનવામાં આવે છે. બાઇકને યોગ્ય રીતે પેક કરવી પણ ખૂબ મહત્વપૂર્ણ છે. તમે જાતે પેકિંગ કરી શકો છો અથવા સ્ટેશન પર ઉપલબ્ધ પેકિંગ એજન્સીની મદદ લઈ શકો છો. સામાન્ય રીતે હેન્ડલ, હેડલાઇટ અને બોડી પર સુરક્ષાત્મક કવર લગાવવામાં આવે છે જેથી મુસાફરી દરમિયાન નુકસાન ન થાય.
રેલવે સ્ટેશન પર ઉપલબ્ધ પેકિંગ એજન્સીઓ બાઇક પેકિંગની સેવા આપે છે. સામાન્ય રીતે પેકિંગનો ખર્ચ 300 થી 600 રૂપિયા વચ્ચે હોઈ શકે છે. આ ખર્ચ બાઇકના કદ અને પેકિંગ મટિરિયલની ગુણવત્તા પર આધાર રાખે છે.બાઇક પરિવહનનું ભાડું અંતર અને વાહનના વજન પ્રમાણે નક્કી થાય છે. ઉદાહરણ તરીકે, આશરે 800 કિલોમીટર સુધી બાઇક મોકલવાનો કુલ ખર્ચ લગભગ 3,000 રૂપિયા સુધી પહોંચી શકે છે. તેમાં પાર્સલ ચાર્જ, પેકિંગ ખર્ચ અને અન્ય ટેક્સનો સમાવેશ થાય છે. ટ્રેનનો પ્રકાર પણ ભાડા પર અસર કરે છે.
બાઇક ગંતવ્ય સ્ટેશન પર પહોંચ્યા બાદ શક્ય તેટલી વહેલી તકે તેને લઈ જવી જોઈએ. જો બાઇક લાંબા સમય સુધી સ્ટેશન પર જ રહે, તો રેલવે વધારાનો ડિમરેજ ચાર્જ વસૂલી શકે છે. બાઇક મેળવતી વખતે મૂળ રસીદ રજૂ કરવી ફરજિયાત છે. ઘણા લોકો માને છે કે તેઓ જે ટ્રેનમાં મુસાફરી કરે છે, બાઇક પણ એ જ ટ્રેનમાં જશે. પરંતુ પાર્સલ માટે જગ્યા ઉપલબ્ધ ન હોય તો બાઇક બીજી ટ્રેનમાં પણ મોકલવામાં આવી શકે છે.બાઇક ટ્રાન્સપોર્ટ દરમિયાન માન્ય ઇન્શ્યોરન્સ હોવું ખૂબ જરૂરી છે. મુસાફરી દરમિયાન કોઈ નુકસાન કે વિવાદ સર્જાય તો ફર્સ્ટ-પાર્ટી ઇન્શ્યોરન્સ પોલિસી મદદરૂપ બની શકે છે. તેથી બાઇક મોકલતા પહેલા ઇન્શ્યોરન્સ અપડેટ છે કે નહીં તેની ખાતરી કરવી જરૂરી છે.
