Stock Market : રોકાણકારોને મળશે દમદાર ડિવિડન્ડ ! હાઉસિંગ ફાઇનાન્સ કંપનીના શેરની મોટી જાહેરાત, સ્ટોક ₹1000 ને પાર જઈ શકે છે
રોકાણકારો માટે સારા સમાચાર સામે આવ્યા છે. હાઉસિંગ ફાઇનાન્સ કંપનીએ દમદાર ડિવિડન્ડની મોટી જાહેરાત કરી છે. આ ડિવિડન્ડના એલાન બાદ હાઉસિંગ ફાઇનાન્સના શેર પર રોકાણકારોની ખાસ નજર છે અને નિષ્ણાતોના મુજબ આ સ્ટોક આવનાર સમયમાં ₹1000 ને પાર જઈ શકે છે.
આ ઉપરાંત, કંપનીના બોર્ડે સુરેશ શ્રીનિવાસન અય્યરને ફરી એકવાર 2 વર્ષ માટે મેનેજિંગ ડિરેક્ટર (MD) અને ચીફ એક્ઝિક્યુટિવ ઓફિસર (CEO) તરીકે નિયુક્ત કરવાની મંજૂરી આપી છે. સુરેશ શ્રીનિવાસનનો નવો કાર્યકાળ 18 માર્ચ, 2026 થી અમલમાં આવશે. જો કે, આ નિમણૂક (Appointment) ભારતીય રિઝર્વ બેંક (RBI) ની પૂર્વ મંજૂરીને આધીન રહેશે.
સોમવારે કંપનીના શેર 0.044% ઘટીને રૂ. 915 પર બંધ થયા હતા. વધુમાં જોઈએ તો, છેલ્લા એક વર્ષમાં કંપનીના શેરમાં 14.10% નો વધારો થયો છે. નિષ્ણાતોના મતે, આ શેર ભવિષ્યમાં +14.17% વધીને ₹1050.00 ની નવી ઊંચાઈએ પહોંચી શકે છે.
Can Fin Homes Ltd. ના શેરને લઈને 19 એનાલિસ્ટમાંથી 17 લોકોએ આ સ્ટોકને ખરીદવાની વાત કરી છે અને બાકીના 2 નિષ્ણાતોએ આ શેરને 'Hold' પર રાખવાની વાત કરી છે. નોંધનીય છે કે, એકપણ એનાલિસ્ટે આ સ્ટોકને વેચવાની વાત કરી નથી.
Published On - 1:23 pm, Tue, 16 December 25
