Stock Market : 50 કરોડ ડોલરનું બાકી ‘ડિવિડન્ડ’ મળશે ! વેનેઝુએલાના ક્રૂડ ઓઇલ પરના પ્રતિબંધ હટશે, તો આ ઓઇલ કંપનીના શેર બની શકે છે ‘ચર્ચાનો વિષય’
શનિવારે એટલે કે 03 જાન્યુઆરીના રોજ અમેરિકાએ વેનેઝુએલા પર હુમલો કર્યો અને ત્યાંના રાષ્ટ્રપતિ નિકોલસ માદુરો તેમજ તેમની પત્નીને પકડી લીધા. અમેરિકા દ્વારા વેનેઝુએલાના તેલ ઉદ્યોગ પર કબજો થવાથી વેનેઝુએલાના કાચા તેલના વેચાણ પર લાગેલા પ્રતિબંધ દૂર થવાની શક્યતા છે.
શનિવારે એટલે કે 03 જાન્યુઆરીના રોજ અમેરિકાએ વેનેઝુએલા પર હુમલો કર્યો અને ત્યાંના રાષ્ટ્રપતિ નિકોલસ માદુરો તેમજ તેમની પત્નીને પકડી લીધા. આ હુમલા બાદ અમેરિકાએ વેનેઝુએલાની તેલ સંપત્તિ પર પણ નિયંત્રણ મેળવી લીધું છે. અમેરિકા દ્વારા વેનેઝુએલાના તેલ ઉદ્યોગ પર કબજો થવાથી વેનેઝુએલાના કાચા તેલના વેચાણ પર લાગેલા પ્રતિબંધ દૂર થવાની શક્યતા છે.
ખાસ વાત એ છે કે, અમેરિકાના રાષ્ટ્રપતિ ડોનાલ્ડ ટ્રમ્પે કહ્યું છે કે, વેનેઝુએલાના તેલ ઉદ્યોગ પરના પ્રતિબંધ હાલ પૂરતા યથાવત રહેશે. એવામાં જો પ્રતિબંધ હટાવવામાં આવે છે તો, ભારતની ઓઇલ એન્ડ નેચરલ ગેસ કોર્પોરેશન (ONGC) લિમિટેડને સાન ક્રિસ્ટોબલ ફિલ્ડમાંથી $500 મિલિયનનું બાકી ડિવિડન્ડ મળી શકે છે.
આ બાકી રકમ વર્ષ 2014 ની છે. વાત એમ છે કે, વર્ષ 2014 બાદ ઉત્પાદન બંધ થઈ ગયું હતું, જેના કારણે તે સમય પછી કોઈ ડિવિડન્ડ મળ્યું નથી. ONGC ની પેટાકંપની 'ONGC વિદેશ' વેનેઝુએલામાં સાન ક્રિસ્ટોબલ પ્રોજેક્ટમાં 40 ટકા હિસ્સો ધરાવે છે. વધુમાં, ONGC વિદેશ લિમિટેડ, ઇન્ડિયન ઓઇલ કોર્પોરેશન (IOC) અને ઓઇલ ઇન્ડિયા કેરાબોબો-1 (વેનેઝુએલાના ઓરિનોકો પટ્ટામાં સ્થિત એક વિશાળ તેલ ક્ષેત્ર છે.) ક્ષેત્રમાં 11 ટકા હિસ્સો ધરાવે છે.
બ્રોકરેજ ફર્મ જેફરીઝના મતે, ONGC માટે આ 'મિડિયમ ટર્મ રિસ્ક' વેનેઝુએલામાં ફરી શરૂ થતું ઉત્પાદન બની શકે છે. આનાથી વૈશ્વિક સ્તરે ક્રૂડ ઓઇલ સપ્લાય વધી શકે છે અને તેલના ભાવ પર દબાણ આવી શકે છે. જો ક્રૂડ ઓઇલના ભાવ ઘટે છે, તો તે ONGC ની કમાણી પર નકારાત્મક અસર કરી શકે છે.
આ દિવસે બંને એક્સચેન્જો પર માર્કેટ સિસ્ટમ્સ અને ટેકનિકલ ઈન્ફ્રાસ્ટ્રક્ચરનું પરીક્ષણ કરવા માટે મોક ટ્રેડિંગ સેશન યોજાશે. આ મોક ટ્રેડિંગ સેશનમાં, એક્સચેન્જો, બ્રોકર્સ અને ક્લિયરિંગ સભ્યો તેમના ટ્રેડિંગ પ્લેટફોર્મ, જોખમ વ્યવસ્થાપન સિસ્ટમ્સ અને બેકઅપ મિકેનિઝમ્સનું પરીક્ષણ કરશે. આ સમગ્ર પ્રક્રિયા વાસ્તવિક બજાર જેવી પરિસ્થિતિઓ હેઠળ હાથ ધરવામાં આવે છે, જેથી કોઈપણ સંભવિત ટેકનિકલ ખામીઓ વહેલા શોધી શકાય.
સરકારી માલિકીની ONGC એ જુલાઈ-સપ્ટેમ્બર 2025 ક્વાર્ટરમાં વાર્ષિક ધોરણે 18 ટકા ઘટીને ₹9,848 કરોડનો ચોખ્ખો નફો નોંધાવ્યો હતો, જે એક વર્ષ અગાઉ ₹11,984 કરોડ હતો. નાણાકીય વર્ષ 2025 માટે કંપનીનો સ્ટેન્ડ-અલોન આવક ₹1,37,846.29 કરોડ હતી, જ્યારે ચોખ્ખો નફો ₹35,610.32 કરોડ હતો.
